Cond sij allen liden dat gord bogarts vande(n) huffle es come(n) in jeg(enwordicheit) en(de) heeft/ genome(n) en(de) bekent dat hij genome(n) heeft van gielise vand(er) elst de(n) jonge(n) van/ bruessel den jongen als rentmeest(er) en(de) mechtich gemaect van ja(n)ne van/ eldert soen wilen genoels van eldert en(de) joffr(ouwe) marien van huldenb(er)ge sijnre/ medegeselliynne(n) de slachmoele(n) des voirs(creven) jans van eldert en(de) sijns wijfs geleg(en)/ te huldenb(er)ge met hoe(r) toebehoirte(n) Te houden en(de) te hebbe(n) van sent jansmisse/ bap(tis)[te(n)] naestcomen(de) ene(n) t(er)mijn van neghen jae(re)n langc deen nae dand(er) d(aer)nae/ sond(er) middel volgen(de) elx jairs dae(re)n bynne(n) om en(de) voe(r) twelf gul(den) pe(n)ni(n)ge/ gehete(n) clinkarde der mu(n)te(n) [van loven(e)] sh(er)togen van borg(oignen) en(de) van brab(ant) goet en(de) gheve oft/ de weerde d(aer) af half te kersmisse en(de)half tsent jans misse bap(tis)[te(n)] te betale(n)/ jairlix den voirs(creven) t(er)mijn due(re)nde quol(ibet) ass(ecutu)[m] It(em) es vorw(er)de dat de voirs(creven) gord/ betale(n) sal hie(re)n bynne(n) alle(n) den erftsijs uut(er) voirs(creven) moele(n) gaende en(de) slaen/ allet smout datme(n) int hof te huldenb(er)ge leve(re)n sal behoeve(n) sal alsmen he(m)/ tsaet levert sond(er) afslach d(er) voirs(creven) so(m)men It(em) es vorw(er)de wairt also datme(n)/ bynne(n) den voirs(creven) tijde aen de voirs(creven) moele(n) wrachte dat de voirs(creven) gord dat betale(n)/ sal in afslage vand(er) voirs(creven) so(m)men tot den naeste(n) payme(n)te It(em) sal de voirs(creven)/ gielijs de voirs(creven) moele(n) houde(n) water en(de) wijnt we(re)nde also dat den voirs(creven)/ goerde d(aer)af gheen scade en geschiede It(em) wairt also dat bynne(n) den voirs(creven)/ tijde aen de voirs(creven) moele(n) scade gesciede van viere oft van opwate(r) en(de)/ mett(er) wairheit bevonde(n) worde dat bij des voirs(creven) gords scouden toeq(ua)me/ of bijde(n) sine(n) soe es vorw(er)de dat de voirs(creven) jacob gord dat richte(n) soude/ also dair toe behoirde It(em) sal de voirs(creven) gielijs de voirg(eruerde) moele(n) houde(n) van/ allen alem dies der moele(n) toebehoirt uutgenome(n) van blocke(n) leeste(n)/ zacke(n) en(de) wijnden It(em) wairt also dat aen de voirs(creven) moele(n) yet te legge(n)/ of te ty(m)me(re)n wae(r) ende des noot datme(n) doen mochte bynne(n) iii dage(n)/ soe es vorw(er)de dat de voirs(creven) gord dat mach selve dooen doen op afslach vand(er)/ voirs(creven) so(m)men en(de) behoefdemens meer aen de voirs(creven) moelen te werke(n) dan drie/ daghe dat sal de voirs(creven) gord de(n) voirs(creven) gielise te voe(re)n kundigen wel/ te tijde om de scade te verhuede(n) en(de) alsme(n) aen de voirs(creven) moele(n) meer wracht/ dan iii dage en(de) de moele(n) dair om stille staen moeste de [en(de) saet hadde om te slaen] soe es vorw(er)de/ datme(n) dan den voirs(creven) gielise van elke(n) drie dage dat meer wae(r) dan drie/ dage afslaen sal ix pl(acken) It(em) w(ar)t also dat de voirs(creven) moele(n) bynne(n) de(n) voirs(creven) t(er)mine/ v(er)cocht worde of te tsijse uutgegeve(n) soe es w(er) vorw(er)de dat de voirs(creven) gord [dan] dair/ aen gheen recht meer hebbe(n) en sal voird(er) dan een jair langc nae datse v(er)cocht/ oft te tsijse uutgegeve(n) wae(r) Welc vorw(er)de(n) (et)c(etera) H(ier) af sijn borge(n) des voirs(creven) gords/(et)c(etera) jan bogarts sijn vader jan [en(de)] henrick bogarts kijnde(re) des selfs jans [ende] claes/ buelens oem d(er) voirs(creven) gebruede(re) p(ri)m[(us)] lomb(ar)t abs(oloens) maii xii