Van janne van lare matheeuse van/ duerne en(de) janne wellens alle drie/ van doerne bi diest/ Het sijn comen in recht voer meye(r) en(de) scepen(en) van loeve(n) inde banck/ ald(aer) de voirs(creven) iii p(er)sone en(de) deden lezen een cedule d(aer) inne begrepen/ stonden de goede hier na bescr(even) Ierst de voirs(creven) jan van lare heeft/ besloten gehouden ene(n) beemt geheten de laerbeemt gelegen tuschen/ de goede wouters steenberchts en(de) de goede henrix coel dit sijn/ oude goede It(em) den rietbeemt gelegen tuschen de goede wout(er)s/ steenberchs en(de) de goede d(er) kijnde(re)n anderberchs Dit sijn nuwe goede/ It(em) matheeus van doerne voirscr(even) heeft besloten gehouden/ een stuk eeusels gelegen opt goer tuschen de goede henrix/ guedens en(de) sijn kijnde(re)n en(de) de goede clemencien wilen van/ outhalen Dit es out goet It(em) enen beemt gelegen int cop/ penhol tuschen de goede jan goerts en(de) de goede h(er) goerts leen/ priesters Dit es out goet It(em) ene(n) beemt geheten den rietbeemt/ gelegen tuschen de goede symoens noltkens en(de) de goede h(er) goerts/ leen priesters It(em) enen beemt geheten schoutbroec gelegen/ tuschen de goede henrix swolfs en(de) den kennens beemt It(em)/ jan wellens heeft besloten gehouden een eeusel geheten/ de goedelt gelegen tuschen de goede d(er) kijnde(re)n wilen steen/ lijsbetten wilen steenberchs in deen zijde en(de) de goede des
//
godshuys van everbode en(de) de goede arnt willems in dande(re) Dit es out/ goet It(em) een eeusel gelegen achter de goede der vrouwen steen / berchts tuschen jans van casterle in deen zijde en(de) de goede henrix/ wolfs en(de) wouters steenberchs in dande(re) It(em) enen beemt gehete(n)/ de reghe gelegen tuschen de goede goert jans kijnde(re) en(de) de/ goede jans van casterle Dits nuwe goet It(em) noch ene(n) beemt/ geheten den rietbeemt gelegen tuschen de goede henrix wolfs/ en(de) de goede mychiels schoermans Dese cedule voirscr(even) gelesen/ zijnde spraken de selve iii p(er)sone met den rechte aen henricken guedens/ hubrechte dyllen arnde de coninc janne en(de) pete(re)n cilien gebruede(re)n en(de)/ diericken dyllemans seggende de voirs(creven) iii p(er)sone dat sij hen aen de voirs(creven)/ goede ongebruyck deden in dien dat sij de selve goede open hebben/ doen doen en(de) open hebben willen gemerct dat sij en(de) hoe(re) vorde(re)n de/ oude goede inder voirs(creven) cedulen genoemt ov(er) xxx jaer en(de) daghe en(de)/ daer boven als hoe(re) erve besloten goede altijt besloten en(de) bevreedt ge/ houden hebben en(de) dat dat waer wae(re) dat boden sij te thoenen en(de)/ niet den minsten en(de) als vanden ande(re)n goeden so deden voert/ seggen de voirs(creven) jan van lare matheeus van doerne en(de) jan wellens/ dat sij die besloten en(de) bevreedt gehouden hadden en(de) dat een yegelic/ die aldaer int gemeyn broeck en(de) te doerne beemde en(de) goet hadden/ dat sij dat hadden moegen besluten en(de) bevreeden over xxx jair/ en(de) daghe en(de) daer boven en(de) sijn p(ro)fijt daer mede doen het/ wae(re) te tornen oft lant daer af te maken hoe hem dat best ge/ nueghen sal en(de) dat sij dat ov(er) xxx jaer en(de) daghe aldus gehoude(n)/ en(de) gedaen hadden en(de) dat boden sij oec te thoene(n) en(de) niet den/ minsten noch boden sij te thoene(n) datmen te doerne gesien hadde/ dat e(n)nich p(er)soen grechten aldaer geslicht en(de) neder geworpen hadde(n)/ van goeden die ingeslaghen en(de) bevreedt wae(re)n die daer af gecalen/ gecalengeert worden en(de) moetsten daer af den hee(re) bete(re)n met/ meer thoenissen en(de) redenen die de voirs(creven) iii p(er)sone aenlegg(er)s in/ hoe(re)r aenspraken deden segghen en(de) bilegghen Ende seiden voert/ so waer sij gethoene(n) consten tgheen des voirs(creven) es dat sij dan/ hoe(re) goede voirscr(even) besloten en(de) bevreedt selen moegen houden en(de)/ hoe(re) p(ro)fijt daer mede doen sluytende ten eynde hoe(re) aensprake so/ waer hen hoe(re) voirs(creven) thoenisse te nauwe en(de) te cleyn wae(re) des/ sij umm(er) niet en hoepten dat sij dan vanden voirs(creven) hoe(re)n oude(n)/ rechte hoer behout te doen boden gelijc als sij dat naden rechte/ sculdich souden sijn te doen Op dwelc de voirs(creven) vi p(er)sone
//
verantwerd(er)s hoer verantwerden deden seggende dat alsulken aen/ sprake als de voirs(creven) iii p(er)sone aenlegghers tot henwart gedaen/ hadden Ierst want de raet vander stat van loeve(n) get(er)mineert/ hadde dat de voirs(creven) beemde open souden ligghen des sij getroest/ wae(re)n tot den registe(r) vand(er) stat daer de t(er)minacien inne gescreve(n)/ waer(re)n seggende voert dat sij op de voirs(creven) beemde hoe(re) ettinghe/ met hoe(re)n beesten over xxx jaer en(de) daghe en(de) d(aer) boven gehadt/ hadden van sente m(er)tens misse tot half merte dat de seysen gegaen/ hadde tot half meye toe en(de) dat boden sij te thoenen met/ meer redenen die sij oic d(aer) toe deden seggen ende oft hen dat/ thoenisse te cleyn wae(re) so boden sij daer toe hoe(re) behout/ Op dwelc de meye(r) van loeven maende de scepenen van loe/ loeve(n) die wijsden beide de p(ar)tien tot hoe(re)n thoenisse en(de) de be/ houde in beide zijden behielden de scepen(en) van loeven te henw(er)t/ Ten daghe van thoenissen den p(ar)tien daer toe gesett thoende(n)/ de voirs(creven) iii p(er)sone aenleggers alle tgheen des sij hen vermeten/ hadden en(de) de sesse p(er)sone verantwerders thoenden met goeden/ lieden dat sij gesien hadden ov(er) xxx jae(re) en(de) dage dat de beemde/ int gemeynbroeck open gelegen hadden sond(er) vand(er) y ettinghen/ yet te thoene(n) also dat ten slote de meye(r) van loeven maende/ de scepen(en) van loeven die wijsden voer een vo(n)nisse Na aen/ sprake na verantwerden en(de) nae thoenisse dat de voirs(creven) iii p(er)sone/ aenlegghers hoe(re) voirs(creven) goede besloten en(de) bevreedt selen moege(n)/ houden gelijc als de waerheit gedraghen heeft also verre alst/ noch voer scepen(en) van loeven comen es cor(am) pynnoc milite/ lomb(ar)t abs(oloens) wit(te)[ma(n)] vynck boys voshem oct(obris) iii a(n)no xxxvii