It(em) om alle de voirs(creven) vorwarden gestentich te blive(n) sond(er) e(n)nige fraude/ oft subtijlheit dair tegen te suecken soe hebben gelooft de voirs(creven) jan/ van pulle joffr(ouwe) magriet sijn wijf en(de) henrick hoerre beyd(er) soen dat/ sij teghen de voirs(creven) vorwarden noch jegen negheen van hen met/ gheenen scepen(en) brieve(n) van loven(e) of ande(re)n brieve(n) die gemaect/ sijn of maken soude(n) moeghen noch met ghene(n) ande(re)n saken het/ wa(r)e van rechte of van feyte nu oft in toecome(n)de(n) tijde(n) ne(m)mermeer/ behelpen en selen noch doen behelpe(n) bij hen selven of bij yema(n)t/ anders in negheenreleywijs mer selen altijt met alle ha(r)e macht/ dair toe helpen dat de voirs(creven) jan oskens en(de) sijn nacomeli(n)ghe/ inde voirs(creven) goede peyslic en(de) vredelic berusten moeghe cor(am) eisdem