Van pete(re)n van tolmaer/ It(em) het sijn come(n) in recht voe(r) meye(re) en(de) scepen(en) van loeve(n)/ inde banck aldaer pet(er) van tolmaer die na den rechte/ der stat van loeven come(n) en(de) geleydt is tot den goeden/ henrics van tolmaers sijns brued(er) in deen side en(de) reyne(re) vande(n) hove/ en(de) reyner de pape alse wettige ma(n)ne en(de) mombo(r)en kath(er)inen en(de)/ yden ha(r)en wiven dochte(re)n gielijs wile(n) van tolmaer brued(er) des/ voirs(creven) henr(ics) en(de) peters in dande(re) daer de voirs(creven) reyner vanden/ hove en(de) reyner de pape aenspraken als momboe(r) haerre wive/ voirs(creven) iii boende(r) lants gelege(n) te montbroeck inde p(ro)chie van/ wynghe tussche(n) de goede des godshuys van ghempe en(de) de/ montbroecst(ra)te en(de) neve(n) de goede gelden cluwens en(de) m(ar)griete(n)/ vand(er) ast seggende dat hen de voirs(creven) goede als mombo(r)en/ hae(r) wive volgen souden en(de) sculdech wa(r)e te volge(n) en(de) dat bi/ dese(r) redene(n) want de vors(creven) wile(n) gielijs hae(r) zweer de vors(creven) goede/ voe(r) gebreck van sine(n) erftsijse uut hadde doen daghen dwelc sij/ boden te thoenen met alrehande meer redene(n) die de selve reyn(er)/ en(de) reyn(er) inden rechte deden segghen Daer op dat de vors(creven) pet(er)/ van tolmair hem v(er)antwerde seggende dat de vors(creven) aensprake hem/ aenden vors(creven) sinen beleyde gheen ontstade doen en soude na dien
//
dat de vors(creven) goede den vors(creven) pete(re)n henricken in sine deylinge/ voe(r) sijn kijnsgedeelte gevallen wa(r)en en(de) dat hi in possessien vande(n)/ voe(r)s(creven) goeden voe(r) de(n) vors(creven) uutdaghen en(de) d(aer) na altijt vredelic ghe/ weest hadde dwelc hi boet te thoenen en(de) mette(n) minsten (et)c(etera)/ Seggende voert de vors(creven) peter al waert also geweest dat de/ voirs(creven) goede uutgedaeght geweest hadde(n) dat d(aer) na de vors(creven)/ goede mette(n) goeden die daer toe behoerden ene(n)yegelike(n) op/ sine(n) tsijs gelaten ende bleven wa(r)en dwelc de vors(creven) peter oec/ boet te thoene(n) met alrehande redene(n) die hi d(aer) toe noch dede segge(n)/ en(de) dat hi de vors(creven) goede als sine deylinghe en(de) kijnsgedeelte/ voe(r) den voirs(creven) uutdagen en(de) na de(n) selven uutdaghen altijt/ als sine goede en(de) erve besete(n) hadde gelijc voirs(creven) es met/ alrehande meer redenen die de selve peter daer inden rechte/ dede segghe(n) en(de) allige(re)n Aensprake en(de) v(er)antw(er)den aldus/ geschiet zijnde wijsde(n) de scepen(en) va(n) loeven bi mae(n)nisse(n) smeyers/ va(n) loeven de p(ar)tijen tot ha(r)en thoe(n)nisse daer een yegelic/ thoende des hi hem v(er)meten hadde Also dat daer na/ de meye(r) van loeven maende de scepene(n) van loeven/ die wijsde(n) voe(r) een vonnisse na aensprake na/ v(er)antwerden en(de) na thoe(n)nisse dat de vors(creven) peter/ van tolmaer vanden goeden voirg(eruerd) in sinen beleyde/ bliven soude also v(er)re alst noch voe(r) scepen(en) van loeve(n)/ comen wa(r)en p(rese)ntibus mychaele absoloens henrico/ de borchoven johanne keyenoghe joh(ann)e de hug(ar)den/ theodorico de langrode (et) arnoldo de vynckenbosch/ scabinis lov(aniensibus) int ja(r)e xiiii[c] xxxviii des/ saterdaeghes xi daghe in octobri