Van pete(re)n de vleeschouwe(re)/ wonen(de) te vilvoirden/ Van alsulken gedinghe als geweest es voe(r) meyer en(de) scepen(en) van/ loeven(en) tusschen wille(m)me de coninc aen deen zijde en(de) den vors(creven)/ pete(re)n de vleeschouwe(re) aen dande(re) van eenen huyse en(de) hove met zijnre/ toebehoirten gelegen te hockezele de ranshemstrate aen deen zijde/ de balcstrate aen dande(re) en(de) de goede jans haesart aen de derde d(aer)af/ de vors(creven) wille(m) den vors(creven) pet(ere)n aensprack zegghen(de) dat de vors(creven) pet(er)/ tvors(creven) huys etc(etera) wydekene wilen de coninc zinen vade(r) v(er)cocht hadde/ en(de) d(aer)aff zijn pe(n)ninghe ontfaen hoewel hij zinen vors(creven) vad(er) noch/ niet en hadde d(aer)in gegoett Dwelc hij al boot te thoenen En(de) want/ nu den vors(creven) wille(m)me onttoghen wae(re) zo hoopte hij en(de) meynde/ waer hij thoende des vors(creven) es wa(n)t naden landrechte recht en(de)/ redelic es d(aer)aff richtinge en(de) wara(n)d te geschien dat hem de/ vors(creven) pet(er) richtinge of ut(er)lic zijn [de] pe(n)ninge wed(er)ke(re)n doen en(de) wed(er)ke(re)n/ zoude etc(etera) Den vors(creven) pet(ere)n d(aer)op andw(er)dende kynnende dat/ hij tvors(creven) huys etc(etera) also v(er)cocht hadde den vors(creven) wilen wydekene/ en(de) hem de brieve daermede dat hijt hielt ov(er)gegeve(n) en(de) dat/ zij tsame(n) daer de goede hoven ten boecke ghingen daer voe(r) de(n)/ vors(creven) pet(ere)n den vors(creven) wydeken ingescreve(n) wart zond(er) dat de vors(creven)/ pet(er) he(m) enich yet meer geloefde des zine(n) eed p(rese)nte(re)nde inde(n) rechte/ En(de) want oic de vors(creven) wille(m) niet by [en] leyde dat hijt met rechte
//
v(er)loren hadde zo waert een ydel aenspraken hopende die(r)/ ongehoude(n) te zine w(er)den etc(etera) So es ten eynde na aensp(ra)ke etc(etera)/ tvo(n)niss d(er) scepen(en) van loeven(en) dat alsulken aensprake als/ de vors(creven) willem de coninc ten vors(creven) pet(ere)n w(er)t gedaen heeft/ den zelven pete(re)n gheen onstade doen en sal Dat(um) in ple(n)o/ sca(m)pno except(is) lyemi(n)g(en) lynth(re) iu(n)ior(e) ja(nuarii) xxvi/