Van ja(n)ne ha(n)narde en(de)/ robbeert van jandraine/ Het zijn comen in recht voer meye(r) en(de) scepen(en) van loeven inde banck ald(air) jan/ ha(n)narde die jonge die na den rechte der stat va(n) loeve(n) beleidt es tot den/ goeden raes wilen van tombelle henrix soen in deen zijde en(de) de voirscr(even)/ henrick van tombelle in dande(re) Alse van seke(re)n renten die de voirs(creven) jan/ ha(n)narde den voirscr(even) henricken yesch mids machte van sinen voirs(creven) beleide/ die de voirs(creven) henrick den voirs(creven) rase sinen soen geloeft hadde in huwe/ liker vorwerden met joffr(ouwe) johannen van wairnant die de voirs(creven) raes/ te wive gehadt heeft ende nu te ma(n)ne heeft robbeert van jandraine/ wonen(de) te groet halleer Dair tusschen de voirs(creven) p(ar)tien aensprake/ en(de) verantwerden gescieden en(de) die geschiet sijnde worden de selve p(ar)tien/ gewijst tot hoe(re)n thoenisse Ten dage van thoenisse thoende de voirs(creven)/ jan ha(n)narde dat den huwelic tuschen den voirs(creven) wilen rase ende/ joffr(ouwe) joha(n)nen getracteert en(de) gesloten wart te ha(n)nut inde kerke/ en(de) dat de voirs(creven) henrick van tombelle den voirs(creven) rase sinen soene/ met der voirs(creven) joffr(ouwe) joha(n)nen bewijsden en(de) gaf in huwelik(er) vorw(er)de(n)/ seker erfliker goede in huysen landen en(de) ande(re)n goeden weert sijnde/ omtrent xl mudde corens d(er) maten van ha(n)nut Voert thoende/ de voirs(creven) jan ha(n)narde dat inden voirs(creven) huwelik(er) vorwerden vorwarde/ was wart also dat de voirs(creven) joffr(ouwe) joha(n)ne den voirs(creven) rase ov(er)leefde/ dat sij dan voir hoe(r) duwarie hebben soude xx mudde corens d(er)/ maten van ha(n)nut die hoir de voirs(creven) henrick bewisen soude op/ goede pande Behoudelic dien dat hoir van dien xx mudde(n) afslach/ doen soude(n) iiii mudde corens d(er) maten van ha(n)nut die de bastarde/ bruede(r) joffr(ouwe) joha(n)nen voirs(creven) op hoir goede houden(de) wae(re)n welke/ iiii mudde corens de voirs(creven) henrick van tombelle geloefde ende/ toeseyde in huweliker vorwairden te lossen en(de) te quiten bynnen/ enen jae(r) doen naestcomen(de) vander voirs(creven) joffr(ouwe) joha(n)ne(n) goede met/ lxxx gripen op also wart dat de voirs(creven) joff(rouwe) joha(n)ne gheen wittige/ gebuerte en hadde vanden voirs(creven) rase dat na hair doet die lxxx/ gripen weder om comen souden aen den voirs(creven) henricken of sijn erf/ genamen oft dat de selve henrick oft zijn erfgename(n) d(air) voe(r) heffen/ souden na der voirs(creven) joffr(ouwe) joha(n)nen doot op hoe(r) goede iiii mudde/ coe(re)ns ha(n)nutsce mate De voirs(creven) henrick van tombelle thoende met/ enen scepen(en) brieve van recoerde die de scepen(en) van tyetels inde(n) lande/ van namen bij ha(n)nut besegelt hadden Inden welken brieve begrepen/ was dat de voirs(creven) henrick den voirs(creven) rase sinen soen bewijst hadde seker/ erflike goede inden lande van namen gelegen in vervullingen der voirs(creven)/ huweliker vorwerden en(de) in manie(re)n van duwarie P(rese)nte(re)nde voert/ de voirs(creven) henrick so waer de voirs(creven) bewijsenisse der voirs(creven) joffr(ouwe)/ joha(n)nen voir hoe(r) voirs(creven) duwarie niet genoech en wae(re) dat hij dat/ voldoen woude met ande(re)n goeden goeden ter taxacien van goeden
//
ma(n)nen die hen des souden verstaen also dat der voirs(creven) joffr(ouwe) johannen voir/ hoe(r) duwarie vast en(de) wel seker sijn moege soude It(em) thoende voirt/ de voirs(creven) henrick dat de voirs(creven) goede die hij bewijst hadde sinen/ soen voir de huwelike vorwerde sijn wae(re)n ten tide dat den/ huwelic gesciede ende gelegen wae(re)n op een vierdel vand(er) milen/ na dair hij wonechtich was Voert thoende de voirs(creven) henr(ick)/ met goeden ma(n)nen dat de voirs(creven) raes sijn soen in sine(n) leve(n)de/ live hoewael hij siec was voir hen bekent hadde dat de voirs(creven)/ henrick sijn vader hem voldaen hadde vanden voirs(creven) lxxx g(ri)pen/hem dair mede hij sculdich was te lossen de voirs(creven) iiii mudde/ coe(re)ns aen de voirs(creven) bastarde also dat ten uutersten de scepen(en)/ van loeve(n) gemaent vanden meye(r) wijsden voir een vo(n)nisse/ dat de voirs(creven) p(ar)tien malcande(re)n voldoen souden in [de] huwelike/ vorwerde gelijc de wairheit dair af gedragen heeft en(de) dat/ de voirs(creven) henrick van tombelle gestaen sal metter voirs(creven) bewij/ senissen opte p(rese)ntacie die hij gedaen heeft cor(am) lomb(ar)t abs(oloens) lye(mingh)[en]/ roel(ants) cap(elle)[ma(n)] velde lynte(re) iunior maii x/