Van h(e)r(e)n thomaes vande(n) eynde/ prieste(r) etc(etera)/ Item uut dien dat gheert de molde(re) die nae den rechte/ der stad van loven(en) beleit is tot den goeden h(e)r(e)n thomaes vande(n)/ eynde priesters mett(er) stad vo brieve(n) van loven(en) op hede(n) dach va(n)/ rechte hadde doen doen ja(n)ne griete(n) om dat he(m) de selve jan soe/ hij seyde ongebruyc dede van ene(n) vierdel wijngarts gelegen te/ zichen(en) opte weeghsceyde tusscen de goede jans wilen kemps/ en(de) lambrechts van beerse en(de) de selve jan griete(n) tot sijnen/ voirs(creven) dage van rechte hem geset niet come(n) en is den voirs(creven) gheerde/ hem inde(n) rechte p(rese)nte(re)nde en(de) versueken(de) datme(n) hem houde(n) woude/ in sijnen beleide soe hevet tvonnisse d(er) scepen(en) van loven(en) gewijst/datme(n) den voirs(creven) gheerde soe wair des voirs(creven) gheerts weder p(ar)tie niet/ en quame ten opstaen smeyers en(de) d(er) scepen(en) datme(n) dan den voirs(creven)/ gheerde vande(n) voirs(creven) goeden houden soude in sijne(n) beleide also verre/ alst noch voir scepen(en) van loven(en) comen es en(de) de voirs(creven) jan griete(n) en/ quam niet ten opstaen smeyers en(de) d(er) scepen(en) lomb(ar)t lye(mingh)[en] roel(ants)/ cap(elle)[ma(n)] velde lyntr(e) iunior septembr(is) p(ri)ma/