Van hadewijch h(ere)nwouters en(de) hae(re)n kijnde(re)n/ It(em) want stoet geweest is tusschen der vors(creven) hadewighe(n)/ en(de) den selve(n) hae(re)n kijnde(re)n in deen side en(de) woute(re)n zoels van/ gheele die na de(n) rechte d(er) stat van loeven comen en(de) geleidt/ is tot de(n) goeden arnts wilen h(ere)nwouters in dande(re) om seke(re)/ goede die de vors(creven) wout(er) zoels v(er)cocht hadde lodewijcke vand(er)/ heerbrugge(n) gelege(n) te wackerzele daer af de vors(creven) wouter/ den voirs(creven) lodewijcke niet vast gesetten en conste mer meynde/ dat te doen uut de(n) vors(creven) beleyde brieve En(de) de raet vand(er)/ stat claerlic bevant dat de brieve vanden vors(creven) beleyde/ anderwijl onder de stat bracht wae(re)n Te dien eynde datmen/ daer mede der vors(creven) hadewighe(n) noch hae(re)n kijnde(re)n niet/ onterven en soude En(de) oec de vors(creven) wouter voe(r) de stat dede/ seggen en(de) allige(re)n dat tvercopen dat hi vande(n) vors(creven) goeden/ gedaen hadde dat dat geschiet was bi wete(n) wille en(de) beheet/ der voirs(creven) hadewigen der selv(er) hadewige(n) des in neghene(n) synne(n)/ volgende met alrehande meer woerden en(de) redenen die beyde/ de p(ar)tijen voe(r) den rade vand(er) stat daer toe seyden en(de) opdeden/ Daer om eest dat de raet vand(er) stat vors(creven) a ensiende des/ hae(re) voersete(n) hier in gedaen hadde(n) get(er)mineert heeft voe(r) reden(en)/ en(de) recht dat de vors(creven) scepen(en) brieve van loeven bliven/ selen onder stat te dier meyninghen dat si daer bracht zijn/ sond(er) yet vorder daer mede gewracht te w(er)den En(de) eest dat/ vors(creven) wouter zoels der vors(creven) hadewigen yet te eysschen oft/ aen te spreke(n) heeft dat hi dat doen mach daer ter plaetsen/ daer dat behoert en(de) daer de vors(creven) hadewijch gesete(n) es/ p(rese)ntibus d(omi)no lud(ovico) pynnoc milite et ar(nol)[do] de vynckenbosch/ burg(i)mag(ist)ris et q(uam) plu(r)ibus aliis de consilio septe(m)b(ris) xviii/