Van zybrecht van beke/ Van alsulken iii mudden rox viii scapen viii verken(en) ene(n) peerde/ ene(n) osse eenre koe en(de) alrehande core(n) metten schachte dair voe(r)/ zybrecht van beke die nae den rechte der stat van loven(en) beleit is/ tot den haefleke(n) goede(n) peters wilen bollens cupers t mett(er) stat/ brieve(n) van loven(en) hadde doen inscrive(n) joese sterx die hem dair aen/ ongebruyc dede en(de) die voirhielt soe de voirs(creven) zybrecht opdede/ dair af den dach van rechte voirs(creven) was op en dondersdage lestlede(n)/ en(de) verstreke(n) tot opde(n) dach van heden mids onlede(n) die alsdoen te/ doen was etc(etera) hevet tvonnisse der scepen(en) van loven(en) gewijst mids/ dien dat de voirs(creven) joes sijne(n) dach niet en huedde datme(n) den voirs(creven)/ zybrecht vand(er) voirs(creven) have(n) soude houde(n) in sijne(n) beleide also verre/ alst noch voir scepen(en) come(n) was lomb(ar)t abs(oloens) roel(ants) cap(elle)[ma(n)] velde/ lyntr(e) iunior octobr(is) iii/