SAL7734, Act: R°118.4-V°118.1 (159 of 452)
Search Act
previous | next
Act R°118.4-V°118.1  
Act
Date: 1440-10-08

Transcription

2020-09-30 by René Laes
Van pete(re)n pot/
It(em) uut dien dat mychiel vande(n) eynde van waelhem bego(n)nen hadde/
recht te vorde(re)n met sine(n) meye(r) en(de) ma(n)ne(n) van leene op iiii stucken/
lands gelege(n) te conticke opt lyndervelt en(de) omtrent den lyndervelde/
gelijc bouwen vande(n) eechoute die houde(n) plach en(de) nae den selve(n)/
bouden gielijs driesch en(de) nu henr(ic) casselberch houden(de) es meyne(n)de/
dat me(n) he die van hem te leene houd(en)de wae(r) ende pete(re)n van/
/ nethene(n) natuerlic soen peters wile(n) van nethene(n) die/
nae den rechte der stad van loven(e) beleit is tot den/
goeden peters pot van antwerpe(n) dat verneme(n)de dede/
d(aer) om scrive(n) d(er) stat brieve van loeven(e) aen den voirs(creven)/
mychiels meye(r) en ma(n)nen van leene dat sij aflate(n)/
soude(n) e(n)nich recht opte voirs(creven) goede te vorde(re)n van mane(n)/
en(de) van wijzen en(de) woude de voirs(creven) mychiel of yema(n)t/
anders recht d(aer) toe hebbe(n) dat hij op hede(n) te loven(e)/
te recht geweest hadde (et)c(etera) Dair de voirs(creven) mychiel niet/
voir oeghen en qua(m) den voirs(creven) pete(re)n hem ald(air) p(rese)nte(re)nde/
en(de) segge(n)de datme(n) die goede sculdich wae(r) t(er) te houde(n)/
te tsijse vande(n) voirs(creven) pete(re)n pot (et)c(etera) soe hevet tvo(n)nisse/
d(er) scepen(en) van loven(en) gewijst soe waer de voirs(creven) mychiel/
niet en quame ten opstaen smeyers en(de) d(er) scepen(en) dat me(n)/
den voirs(creven) pete(re)n van nethene(n) vand(en) voirs(creven) heerlich(eit) op te voirs(creven)/
goede houde(n) soude in sine(n) beleyde also verre alst noch voir/
scepen(en) van loven(e) come(n) was en(de) de voirs(creven) mychiel en/
qua(m) niet voir oegen ten voirs(creven) opstaen pynnoc opp(endorp) rike/
abs(oloens) overwynge vyncken(bosch) wynghe oct(obris) viii
Contributorskristiaan magnus
Moderated bykristiaan magnus
Last update: 2015-10-21 by kristiaan magnus