Van michart paren hallier/ du mont s(ain)t andrieu (et)c(etera)/ It(em) uutdien dat jan heylwy meye(r) der capittlen van ludick tot/ monts(ain)t andrieu aenbracht hadde d(er) stad van loeven(en) dat de/ vors(creven) michart paren hem hadde doen vanghen pierchon leuren/ om vanden selve(n) [te] v(er)reycken den cost die de vors(creven) michart gehadt/ hadde van eene(n) weghe te meylan(en) hem gewijst te doen/ by eene(n) hoetvo(n)nisse d(er) scepen(en) van loeven(en) den welken wech/ hem aengewo(n)nen hadde pierart leuren vad(er) des vors(creven) piercho(n)s/ en(de) dat na dien de vors(creven) pierchon hem den vors(creven) ja(n)ne meye(r)/ ontlopen wae(r) uut(er) vroenten Zo hadde boven de vors(creven) [huer] vo(n)nisse/[dat] de vors(creven) michart zo v(er)re pierchon gevange(n) wae(r) de vors(creven)/ michart zo verre v(er)volght op de(n) vors(creven) meye(r) dat hij te/ ludick geba(n)nen wae(r) (et)c(etera) biedende dat [te] thoenen hopende zo/ waer hij dat dede dat de vors(creven) michart hem den ban afdoen/ zoude en(de) als vande(n) mesgrijpe mochte de stad wete(n) wat/ zij te doen hadde (et)c(etera) Den vors(creven) michart hem d(aer)op v(er)andw(er)dende/ dat hij den vors(creven) pierchon uut ocsuyn van des vors(creven) es niet/ en hadde gedaen houde(n) m(aer) om aen hem te v(er)halen alsulke(n)/ cost en(de) scade als hij vele gehadt hadde voe(r) en(de) nae van/ alsulken gedinghe als ge hij gehadt en(de) gewo(n)nen hadde jege(n)/ de wedewe jeh(anne) wijlen bedaer dair af hij van des vors(creven)/ pierchons vad(er) doen meyer en(de) recht(er) sijnde en(de) fijn en(de) caucie/ vand(er) weduwe genome(n) hebbende geen execucie noch uutrichti(n)ge/ om sijnre p(ar)tescap wille en(de) dat hij seide dat hem de [sijn] fijn te/ cort was gecrigen en conste dwelke hij [michart] namaels lange/ v(er)volghde op den vors(creven) pierart meyer te ludick daer dat/ behoirde zov(er)re dat hem alle costen aengewijst wae(re)n/ en(de) de vors(creven) pierart oic geba(n)nen hoewael hij d(aer)af den/ vors(creven) pierart aflivich wordende geen v(er)richtinge en hadde/ daer om na willende aen den vors(creven) soen als [aen de(n)] erfgenaem die/ svad(er)s have aenveerdt hadde zijn scade en(de) cost vors(creven) v(er)reijcken/ hieraf eed en(de) ontscoud yerst biedende en(de) behoeflike thoenis/ met gesc(ri)ften en(de) levend(er) waerheit dwelke thoenis al/ int lange diende hij volquam den vors(creven) ja(n)ne heylwij meye(r)/ in sijne(n) thoenisse en(de) v(er)mete missende en(de) int p(ri)ncipaele datt/ om den cost vande(n) vors(creven) hoetvo(n)nisse geweest soude hebbe(n)/ failge(re)nde So heeft de stad van loeven(en) na alle bescheit/ en(de) thoenisse aengehoort get(er)mineert en(de) voe(r) reden en(de)/ recht gesloten dat zij vande(n) vors(creven) michart en(de) van zijnre/ onschout wae(re)l te vreden wae(r) es hem oirlovende zijn/ vors(creven) cost en(de) scade eve(n)v(er)re dat dat den vors(creven) hootvo(n)nisse/ niet aen en noope d te v(er)volge(n) daer en(de) also dat/ met de(n) rechte behoirt sal Act(um) in ple(n)o c(on)silio aug[(us)]ti v[a]