Van gielise de vos en(de)/ henricke(n) den hollande(re)/ Het sijn come(n) in rechte voir meye(r) en(de) scepen(en) van loeven(e) inde banck/ aldaer gielijs de vos name soen jans wilen de vos en(de) henrick de hollande(re)/ sijn zwagher als man en(de) momboir katlinen zim(er)mans sijns wijfs moeye/ des voirs(creven) gielijs in deen zijde ende cornelijs lambrechts die nae den/ rechte der stad van loven(e) beleit is tot den goeden h(e)r(e)n gheerts priesters/ ende cornelijs ve(re)nbrude(re)n gebruede(re)n in dander zijde alse vanden goede(n)/ hier nae bescreve(n) Inden yersten van ene(n) huyse en(de) hove met sijne(n) toebehoirte(n)/ gelegen in sente q(ui)ntens strate tusscen de goede gielijs amelrijx en(de)/ frissens van zellaer It(em) [va(n)] eene(n) huys en(de) hove met sine(n) toebeh(oirten) gelege(n)/ te hove inde vryheit van loeven(e) tusscen de goede mychiel absoloens/ ende de veedeweyde It(em) een stuck lands gelegen aen den alboem/ dairmen te weinxel wairt gaet tussce(n) de goede scloest(er)s van/ vlied(er)beke in beyde(n) sijden It(em) van ene(n) vierdel wijngarts gelege(n)/ opte(n) vogelsanck tusscen ja(n)ne edelhee(re) en(de) henrix vanden borchoven It(em)/ van iiii moelevaten rogs d(er) mathen van loeven(e) erflix pachts aen en(de)/ op ene(n) hof ge toebehoe(re)nde der vrouwe(n) vand(er) smissen gelege(n) inden/ heev(er)len wech tusscen de goede h(er) wencelijns ts(er)claes en(de) aerts boxhoe(re)ns/ d(air) af de voirs(creven) cornelijs lambrechts versocht datme(n) hon he(n) houden/ soude in sine(n) beleide (et)c(etera) also dat de voirs(creven) gielijs de vos en(de) henr(ic)/ hollande(re) een aensprake deden tot den voirs(creven) goeden wart seggende/ dat henr(ic) wilen s hen die gemaect wae(re)n met testame(n)ten vande(n)/ ghene(n) die die oec gelate(n) wae(re)n met testame(n)ten van henr [wout(ere)n] wile(n)/ si(m)m(er)ma(n) die die gemaect hadde henr(icken) wilen sine(n) natuerleke(n) sone/ en(de) die henr(ic) hadse voorts gemaect der voirs(creven) katline(n) zim(er)mans henr(ix)/ hollanders wive en(de) den voirs(creven) gielise des vos en(de) sijnre zust(er) die kijnde(re)/w sijn magriete(n) wile(n) zim(er)mans des voirs(creven) henrix zim(er)mans natuerlic/ docht(er) en(de) die hadden sij also besete(n) en(de) de schout betaelt (et)c(etera) Hoopte(n)/ en(de) meyndde(n) dat hen de voirs(creven) goede volgen souden oft dat sij met/ hoe(re)n testame(n)te(n) gaen soude(n) ter plaetse(n) dair dat behoirt d(air) op/ de voirs(creven) cornelijs lambrechts dede segge(n) dat he(m) die aensprake/ gheen onscade doen en soude want die goede voirs(creven) besat de voirs(creven)/ henr(ic) zim(er)man als sijn erve en(de) wair d(aer) uut gestorve(n) als uut/ sine(n) erve en(de) de voirs(creven) her gheert en(de) cornelijs vande(n) brude(re)n/ wae(re)n de naeste leve(n)de vande(n) voirs(creven) goede van wittige(n) bedde/ / en(de) vander zijden dair de goede aff come(n) sijn en(de) dat bode dat/ waer waer dat boet hij te thoene(n) en(de) mette(n) mynsten (et)c(cetera)/ Hoepte soe wair hij dat gethoene(n) conste dat he(m) en(de) sijne(n)/ beleide de voirs(creven) goede volghen souden H(ier)op worden de scepen(en)/ van loeven(e) gemaent vande(n) meye(r) die wijsden den voirscr(even)/ cornelijse lambrechts tot sijne(n) bethoon ten dage van/ thoene(n) thoende hij met goede(n) ma(n)ne(n) dat de voirs(creven) wile(n)/ henr(ic) zim(er)man de voirs(creven) goede besat en(de) (daer) uut gestorven/ wae(r) Voirt droege(n) ii goede ma(n)ne(n) d(aer) af den een pre/ myd(er)brueder was dat de voirs(creven) h(er) gheert en(de) cornelijs/ ve(re)nbrude(re)n wae(re)n de naeste leve(n)de vande(n) voirs(creven) henri(x)/ wile(n) zim(er)ma(n) sond(er) yet and(er)s dair toe meer te segge(n)/ Vande(n) voirs(creven) getuge(n) was een gehete(n) gord ve(re)nbrude(re)n/ die de voirs(creven) gielijs de vos en(de) sijn zwag(er) deden batte(re)n om/ dat hij d(er) voirs(creven) goede van geboirte(n) also nae sijn soude dair/ aff de voirs(creven) gord sijne(n) eedt dede openbairlic int recht/ bij ov(er)gheve(n) vande(n) p(ar)tien dat hij aen de voirs(creven) zake en/ wo(n)ne noch en verloe(re) noch in toecome(n)de(n) tijde(n) wynnen/ noch verliese(n) en soude Ten uutersten worde(n) de scepen(en)/ van loven(e) voirt gemaent vande(n) meye(r) die wijsden voir/ een vo(n)nisse dat de voirs(creven) cornelijs lambrechts sijns ver/ meets niet volcome(n) en es pynnoc opp(endorp) rike ab(soloens) ov(er)wynge/ vynckenb(osch) wynghe oct(obris) xxii