It(em) want stoet en(de) geschille opv(er)staen es tusschen katlinen van coudenb(er)ge/ en(de) janne de man van saken en(de) eysschingen [die sij malcande(re)n aenleggende waeren] rue(re)nde van den/ goeden d(er) voirs(creven) katlinen die hij de voirs(creven) jan ten wy(n)ningen gehoude(n)/ heeft en(de) noch houden(de) es so sijn de voirs(creven) p(ar)tien comen voir/ scepen(en) van loeve(ne) en(de) hebben hen vanden voirs(creven) stote en(de) van
//
allen des daer aen cleve(n) mach verbonden en(de) gesubmitteert in/ segge(re)n en(de) vrientlic yffene(re)n te weten de voirs(creven) katline in goessen/ vand(er) stoct en(de) janne vander karnie(re)n en(de) de voirs(creven) jan de man/ in joese eveloege en(de) gielijse de moer in alsulker vuegen dat/de vor sij reden(en) en(de) bescheit van beiden p(ar)tien aenhoe(re)ngehoert/ hoir zeggen daer af uutenen en(de) seggen zelen bynnen viii dagen/ naestcomen(de) Met vorw(er)de wart dat e(n)nig(er) p(ar)tien zegg(ere) gebrake/ dat die ene(n) ande(re)n geliken in sijn stat sal moegen nemen/ en(de) hebben geloeft de voirs(creven) p(ar)tien vast en(de) gestentich te houden/ so wes de voirs(creven) iiii segge(re)n samentlic hier af seggen ende/ uutene(n) selen cor(am) opp(endorp) rike no(vembris) xxi