Lieve geminde vriende wij bidde(n) u so wi begeerlixste moghen dat ghi willem de custe(re)/ goedinghe doen wilt uut onsen beleyde daer mede ghij tot onsen goeden geleidt zijt janne/ van edeghen amman van bruessele van xxii rijders lijfpensien tot ii liven en(de) tot de(n) liven/ die hij bege(re)n sal en(de) dat ghi henrice hem dat wilt laten doen want ons dat grote nootsaken/ doen en(de) wij gheven onse openbair consent daer toe en(de) is onse openbaer consent en(de) wille ende/ des en wilt niet laten in negheenre manie(re)n niet wederstaende dat den vors(creven) beleydtbrief tot/ onsen behoef daer leeght oft wat beveel dat daer af gedaen mach zijn van onsen weghen lieve/ geminde vriende des en laet niet [te] desen mael want anders waer . dus daer in geleghen/ grote(n) verderflike(n) scade ged(aen) zij met u gescr(even) xvii daghen in octo(bris) anno xl/ Jan van huerne he(re) van p(er)wez van waelhem/ van duffle van gheele en(de) herlaer (et)c(etera)/ tubbart bereet