Van bellen chausterma(n)/ van landenen/ Het sijn come(n) inden rechte voir meye(re) en(de) scepen(en) van loeven(e)/ inde banck aldair bouwen chausterma(n) van landen(en) in deen/ zijde en(de) gielijs quaetherst gehete(n) coene die nae den rechte/ d(er) stat van loeven(e) beleit is tot den goeden gords teyten van/ landen(en) en(de) mabielen teyten sijnre zuster in dande(r) zijde dair/ aensprake en(de) verantwerde(n) geschieden tusscen de voirs(creven) (par)tien/ vanden goed seke(re)n goeden die de voirs(creven) giel(ijs) in eenre ce/ delen dede lesen welc cedele ond(er) den ande(re)n begrepe(n) de/ goede hier nae bescreve(n) die jan wilen teyte brueder/ gords en(de) mabilien voirs(creven) en(de) marie wile(n) coene(n) sijn wijf/ die de voirs(creven) bouden namaels getruwt hadde vercrege(n)/ / hadden in geheelen stoele Te wete(n) inde(n) yersten (½) boender lands/ gelegen te landen(en) inden wyntcouther tusschen de goede matheeus/ van sint truyden ende jans block It(em) een half boender lands ge/ leghen opte mouwe tusscen de lande wout(er)s svolders en(de) gheerts/ cluckarts It(em) ene(n) g bogart gehete(n) beys boyart gelege(n) opte beke/ tusschen de goede ghijsbrechts jorijs en(de) she(re)n strate It(em) de helcht/ van eender poirten dair bouden chaustermans in woent gelegen/ tusschen de goede jans waghen en(de) de goede henrix tearix It(em)/ vier zester co(r)ens erfs pachts aen en(de) op iiii groet roeden lands/ gelegen bove(n) de galghe tusscen de goede des altaers van senter/ claes ter ouderstat? ende de goede des joncke(re)n van pyet(er)shem/dwe en(de) dat de voirs(creven) wilen jan teyte en(de) marie wilen coene/ sijn wijf de voirs(creven) goede gelijcse staphans voirgescreve(n) staen/b vercrege(n) in hoe(re)n geheele(n) stoele dat thoende openbaerlic/ int recht de voirs(creven) bouden chaust(er)man alsoe dat de scepen(en)/ van loven(e) ter manisse(n) smeyers gewijst hebben voir een vo(n)nisse/ dat den voirs(creven) bouden chaust(er)mans volgen selen de helcht vande(n)/ voirs(creven) vercregene(n) goede(n) en(de) dat dande(re) goede ind(er) voirs(ceven) ce/ delen begr[e]pen den voirs(creven) gielijse quaetherst en(de) sine(n) beleyde volge(n)/ selen also verre dat voirs(creven) scepen(en) van loeven(e) come(n) was pynnoc/ oppend(orp) rike abso(loens) ov(er)wynhe vynckenb(osch) winge oct(obris) viii