It(em) ja(n)nes proefkens de jonge en(de) h(er) jan van he(re)nthals prieste(r) hebben/ dach genomen van en donredage naestcomen(de) in viii dagen om malcande(re)n/ te voldoen van alsulken vo(n)nis als de scepen(en) van loeve(n) tuschen/ hen beyden ge op heden gewijst hebben als van eenre comanscap/ die gesciet es tuschen hen van eenre helecht van ene(n) halve(n)/ boend(er) beemts gelegen inde(n) lande van zichne(n) int dootbroeck/ daer af de voirs(creven) ja(n)nes p(rese)nteerde een beleidt te doen en(de) den/ voirs(creven) h(er) ja(n)ne daer uut te goeden [(et)c(etera)] also dat de scepen(en) van loeve(n)/

wijsden so waer ende daer voe(r) es borge bleve(n) des voirs(creven)/

h(ere)n jans willem hekerlinc dwelc de voirs(creven) h(er) jan niet aen/ nemen en woude de comanscap ke(n)nende maer seyde dat hij/ hem geloeft hadde te goeden uut ene(n) ande(re)n ouden beleide/ dat hij boet te thoene(n) en(de) meynde so waer hij dat niet goeden/ en conste dat hij dan dair d(er) comanscap ongehouden zijn zoude/ also dat doen de scepen(en) van loeve(n) wijsden na tkenne(n) dat de/ voirs(creven) h(er) jan gekent hadde en(de) na de p(rese)ntacie die de voirs(creven) ja(n)nes/ p(rese)nteerde dat sij de comanscap voldoen selen behoudelic dat de/ voirs(creven) h(er) jan vast stae co(ram) py(n)noc opp(endorp) rike abs(oloens) ov(er)wynge/ vynkenb(osch) wynge no(vembris) xxii Ende hier voe(r) so es des/ voirs(creven) h(er) jans borge bleve(n) willem hekerlinc eisd(em)