Item want stoet en(de) ghescille opverstaen en(de) geresen wae(re)n tussche(n) aerde/ van coersworme natuerlec in deen zijde en(de) baudewijn van hoeye/ wonen(de) onder de banck van ha(n)nut die nae den rechte der stat van/ loeven come(n) en(de) geleidt es tot den goeden joffr(ouwe) martijn wilen sijnre/ zuster weduwe lodewijx wilen vanden cruce in dande(r) alse van/ eenre thienden gelege(n) te sente remeyns leyns en(de) sente servaes leyns/ en(de) daer omtrent gelijc de he(re)n vand(er) cap(it)len van sente servaes te/ tricht die aldaer houden(de) sijn met den lande chijnse en(de) ande(re)n/ hoe(re)n toebehoirte(n) de welke thiende met hoe(re)n toebehoirte(n) de voirs(creven)/ aert meynde dat hem alleen toebehoerde en(de) die alleen verborcht/ hadde [It(em)] m(air) de voirs(creven) baudewijn de contrarie meyne(n)de en(de) de voirs(creven)/ p(ar)tien des come(n) sijn voir scepen(en) van loeve(n) en(de) hebben hen vande(n)/ voirs(creven) stoete en(de) allen tgheen des daer aen cleve(n) mach verbonde(n)
//
en(de) gesubmittert te weten de voirs(creven) baudewijn met consente/ jans van vertrike inde sterre die tot sijnre have(n) geleidt es in/ segge(re)n en(de) vreindelic yffene(re)n te weten de voirs(creven) aert in gielijse/ vander balct die sijnre docht(er) heeft en(de) den voirs(creven) janne van/ vertrike en(de) de voirs(creven) baudewijn in laureyse van raetshove(n) meye(r)/ vand(er) gheete(n) en(de) clerevaul van lingy welc seggen dat de voirs(creven)/ iiii segge(re)n daer af samentlic uutspreken en(de) p(ro)nu(n)cie(re)n selen de voirs(creven)/ p(ar)tien geloeft hebben voe(r) de voirs(creven) scepen(en) van loeve(n) vast en(de) beq(ua)me/ te houden en(de) te voldoen in allen der vueghen gelijc sij dat uutspreke(n)/ en(de) seggen selen Soe eest dat de voirs(creven) iiii segge(re)n come(n) sijn/ voir scepen(en) van loeve(n) en(de) hebben hoir seggen vanden voirs(creven) stote een/ drechtichlic uutgesproken en(de) geseeght ind(er) manie(re)n hier na volgen(de)/ Ierst es der voirs(creven) segge(re)n seggen dat de voirs(creven) aert en(de) baudewijn/ de voirs(creven) tiende(n) met alle horer toebehorte(n) van desen daghe voirt/ te gelike hebben heffen en(de) boe(re)n selen den getonsten due(re)nde en(de) te/ gelike last co(m)me(r) en(de) sorgen daer af saten uutgenoeme(n) vanden/ voirs(creven) chijnse dien de voirs(creven) aert allen hebben en(de) behoude(n) sal vande(n)/ daghe van heden eene(n) t(er)mijn van vijf jae(re)n lang deen na dand(er)/ sond(er) middel volgen(de) op alsulken last en(de) co(m)mer alsme(n) vande(n)/ voirs(creven) chijnse sculdich es te gheve(n) en(de) dat de vijf jaer uut sijnde/ de voirs(creven) aert en(de) baudewijn dien chijns voirtaen de getonsten/ due(re)nde te gelike gelijc den ande(re)n hebben en(de) boren selen op/ sijne(n) last en(de) co(m)mer d(aer) uutgaende Voirt es d(er) voirs(creven) segge(re)n segge(n)/ dat de voirs(creven) baudewijn sijn helicht den voirs(creven) aerde wael en(de)/ loflijc met tween goeden ma(n)ne(n) voir scepen(en) van loeve(n) verborge(n)/ sal bynne(n) viii daghen na sinte remeys misse naestcomen(de) en(de)/ oft e(n)nich vande(n) voirs(creven) borgen aflivich worde eer de voirs(creven) getonste(n)/ uut wae(re)n so sal de voirs(creven) baudewijn altoes gehoude(n) sijn ene(n)/ ande(re)n goeden geliken man in die stat voir scepen(en) van loeve(n)/ te setten mids welken seggen de voirs(creven) p(ar)tien van allen zake(n)/ die sij met malcande(re)n uuytstaende mochte(n) hebben tot opte(n)/ dach toe van heden veryffent en(de) veraccoerdeert sijn selen/ niet daer in uut[ge]sceyden t(er) goed(er) meyni(n)gen en(de) sonder argelist/ abs(oloens) ov(er)wynghe aug(usti) iiii[ta]