Cond zij allen lieden dat de momboe(re)n en(de) meesstersse sgodshuys vand(er) banck by loeven(en) / in teg(enwoirdicheit) (et)c(etera) hebben gegeven en(de) bekent dat sij gegeven hebben inden name en(de) van / weghen vanden voirs(creven) cloest(er) gielijse gheerts van tieldonck de goede des selfs godsh(uys) / gelegen te tieldonck Te houden te hebben en(de) te wynnen ene van half merte naestco / mende ene(n) t(er)mijn van seventhien jae(re)n langc deen nae dand(er) daer nae sond(er) myddel / volgende dats te weten dat de voirs(creven) gielijs hebben sal alle de lande beemden / eeuselen den voirs(creven) godsh(uys) ald(aer) toebehoe(re)nde metten huysingen also sij d(aer) belegen / sijn houden(de) te gad(er) drie en(de) veertich boe(n)de(re)n en(de) iii drie dach(mael) oft daer omtrint /uutscheyden den elsbroeck die(n) [sal de] voirs(creven) godshuys [wynnen he] behouden sal tot sijnen p(ro)fijte [gelijc hierond(er) gecleert steet] / den voirs(creven) t(er)mijn due(re)nde jaerlex om vijftich mudde rogs en(de) een half goet en(de) payabel / pachtcoe(re)n wel bereydt met wanne en(de) met vloegelen te sent andries misse apostels / te betalen en(de) te loeven(en) te leve(re)n den voirs(creven) momboe(re)n ende meest(er)sen d tot behoef des / voirs(creven) godshuys jaerlix den voirs(creven) t(er)mijn due(re)nde en(de) telken t(er)mijne alse vervolghde / schout It(em) sal de voirs(creven) gielijs geven ende leve(re)n der voirs(creven) meest(er)sen alle jae(re) vanden voirs(creven) / goeden den voirs(creven) t(er)mijn duerende hondert kese en(de) twee en(de) vijftich pont boteren It(em) sal / de voirs(creven) gielijs jaerlix den voirs(creven) t(er)mijn duerende leveren tseventich mandelen walms goet / en(de) cusbar om de huysinghe vanden voirs(creven) hove mede te deckene en(de) alsmen de voirs(creven) tseventich / walme(n) oft ande(re) walme(n) also vele alsmen daer behoeft die mijn vrouwe vand(er) banck copen sal / ende van al dat men daer decken oft plecken sal daer af sal de voirs(creven) gielijs den montcost / gheven ende mijn vrouwe de dachhue(re)n It(em) sal de voirs(creven) gielijs de dack roeden bitselroeden / en(de) opperknapen leveren op sijnen cost It(em) sal gielijs voirs(creven) alle de huysinghe vand(er) ned(er)ster / rikelen ned(er)wart op sijnen cost houden wel en(de) loflic It(em) sal de voirs(creven) gielijs den tsijs en(de)
//
co(m)mer die uut den goeden gaet betalen jaerlix ende daer voe(r) sal hij heffen den / tsijs die tgodshuys aldaer houden(de) es te tieldonck en(de) te wespelaer It(em) waert / also dat m(ijne) vrouwe voirs(creven) op de voirs(creven) goede yet van nuws woude doen te(m)meren / daer af soude de voirs(creven) gielijs altemale ongehouden sijn sond(er) e(n)nigen cost daer / op te doene It(em) waert dat sake dat den voirs(creven) gielijse bynne(n) den voirs(creven) t(er)mijne / e(n)nighe scade geschiede van gemeynen orloghe oft van gemeynen tempeesten daer / af sal hem m(ijne) vrouwe afslach doen gelijc ande(re) regenoten boven en(de) beneden [gemey(n)lic] doen / selen hae(re)n pechtene(re)n It(em) sal de voirs(creven) gielijs de voirs(creven) lande wel en(de) loflic wynne(n) / gelijc sijnen regenoten en(de) ten lesten jae(re) laten besaeyt twelf boend(er) ende een half met / wynt(er)corne Ende den ande(re)n aert storte en(de) den derden aert brake It(em) sal de voirs(creven) gielijs / bynne(n) den voirs(creven) t(er)mijne niet hoervruchten dan een half boend(er) voer sijn sliten Ende bynne(n) / den letsten drie(n) jae(re)n soe en sal de voirs(creven) gielijs niet hoervruchten Ende alle tstroe dat / vanden voirs(creven) lande comen sal dat sal altoes int voirs(creven) hof blive(n) en(de) in p(ro)fijte vanden / voirs(creven) goeden It(em) sal de selve gielijs delsbroeck dat m(ijn) vrouwe ald(aer) behelt op dierste /

jaer alst behouden sal sijn wel bevreden also dat m(ijn) vrouwe aen de schoeten vanden /

voirs(creven) elsbroeck gheen scade en lide en(de) daer voe(r) sal hij alle de weyde vanden voirs(creven) /

elsbroke hebben It(em) sal noch de selve gielijs m(ijn) vrouwen gheven alle jae(re) te paesschen / vijf kese en(de) tweehond(er)t eye(re)n It(em) sal de voirs(creven) gielijs m(ijn) v vrouwen vand(er) banck / jaerlix te sinxenen [leveren] twee pont boteren en(de) een gelte goed(er) zane(n) en(de) oec elker / vanden neghene(n) joffrouwen vanden voirs(creven) godshuyse een pont bonte boteren en(de) / een waelpot zanen It(em) sal de voirs(creven) gielijs ten lesten jae(re) vanden voirs(creven) t(er)mijne laten / int voirs(creven) hof allet caf ende tstro dat hij daer inne bracht sal hebben van wat / goeden dat daer inne comen sal sijn It(em) sal noch de selve gielijs laten te sijnen / lesten jae(re) vier goede slote int voirs(creven) hof met hae(re)n sloetelen wel slutende en(de) ont / slutende It(em) sal noch de voirs(creven) gielijs jaerlix den voirs(creven) t(er)mijn due(re)nde setten opte / voirs(creven) goede ten meesten p(ro)fijte alle jae(re) vijfen(de)twintich willigen poten en(de) vijf / en(de) twintich albelen poten It(em) sal de voirs(creven) gielijs m(ijn) vrouwen voirs(creven) alle jae(re) / houden en(de) voeden twee verkene gelijc den sijnen It(em) sal noch de voirs(creven) gel / gielijs m(ijn) vrouwen te sinxenen gheven ene(n) vetten hamel Item es noch / vorwerde dat de vors(creven) gielijs hebben so noch hebben sal delsbroec houden(de) / een boend(er) oft d(aer)omtri(n)t gelege(n) in de vors(creven) p(ro)chie van tyeldonc den vors(creven) / t(er)mijn due(re)nde op de vueghe en(de) condicie hierna bescreven Te weten dat / de selve gielijs dat driewerf getydichlic houwen sal by(n)nen den / vors(creven) t(er)mijne en(de) voer elck houwe(n) vors(creven) gheve(n) en(de) betale(n) den vors(creven) mo(m)boe(re)n / en(de) meest(er)ss(en) tot sgodsh(uys) behoef twintich schilde Te wete(n) veerthien stuv(er)s / onss gened(ichen) he(re)n mu(n)te va(n) bourg(oignen) en(de) van brab(ant) voe(r) elke(n) schilt gerekent Altoes / die te boschrechte te betalen en(de) telke(n) tijde als v(er)volghde schout / Behoudelic dat de vors(creven) gielijs tselve elsbroec tsijne(n) afscheide(n) begroeytt / en(de) behoutt sal late(n) van vijf jae(re)n oud En(de) alle dese vors(creven) vorw(er)de(n) en(de) geluften / en(de) co(n)dicie(n) (et)c(etera) En(de) h(ier)af zijn borghe(n) des vors(creven) gielijs als p(ri)ncipale sculd(ere) o(n)gesund(er)t / en(de) onv(er)scheide(n) en(de) elc voer al jan vand(er) bueke(n) gehete(n) arnds wonen(de) t(er) bueke(n) neve(n) / tyeldonck in de p(ro)ch(ie) van b(er)them ja(n) en(de) lodewijc gheerts bruede(re)n des vors(creven) gielijs gheerts / en(de) gheert van bullestrate(n) Et p(ri)m(us) pynnock lynthe(re) iu(n)ior ja(nuarii) xxix a(nn)[o] xli[o] /