Vande(n) gesust(ere)n van caelmont en(de) / woute(re)n van haren / Tvonnisse tusschen woute(re)n van haren die met scepen(en) brieve(n) van loven(en) nae / den rechte der stat van loven(en) come(n) is tot den goeden die wae(re)n gielijs / boem ende beatrice(n) sijns wijfs dochter gielijs wilen van caelmont joffr(ouwe) / aleyten van kaelmont suster der selver beat(ri)cen en(de) engelbrechts vanden / kerchove sone d(er) selver joffr(ouwe) aleyte(n) in den deen zijde ende h(er) jan van / spreemont priester die nae den selven rechte d(er) stat van loven(en) comen / en(de) beleit is gegoet is inde goede henrix wilen van caelmont en(de) / desgelijx inde goede g die wae(re)n gords van conynxloe en(de) g(er)trude(n) paens / sijns wijfs in dander zijde Alse vand(er) helcht van ene(n) wuwerken gelege(n) / te grymbergen [vacat] /[vacat] dat gelijc dat bleve(n) was nae de doot reyners wilen van caelmont / de welke helcht de wedewe des voirs(creven) wilen reyners besete(n) heeft tot hoe(re) / toch (et)c(etera) was gewijst met desen woirde(n) nae aensprake nae verantw(er)de(n) / en(de) nae thoenisse van beyde den p(ar)tien dat de he(re)n scepen(en) van loven(en) met hoe(re)n / vonnisse setten en(de) wijsden met hoe(re)n vo(n)nisse de voirs(creven) p(ar)tien inde(n) hof dair de / voirs(creven) goede hove aldair malc tege(n) ande(re)n recht te gheve(n) en(de) te neme(n) / pynnoc roel(ants) wijtvliet vynck lynthr(is) iunior pryke(re) junii viii /