It(em) cond zij allen lieden also als [jan] de witte van rotselair voirtijts comen es voe(r)/ scepen(en) van loeven te weten xxix dage in octobri int jair xiii[c] xxxix en(de)/ heeft genomen van arnde van beerhem van cortenb(er)ge zeke(re) goede den voirs(creven)/ arnde toebehoren(de) en(de) oic zeke(r) ande(r) goede die hij te voe(re)n tegen ande(re)n p(er)sonen/ verpacht hadde Te houden te hebben en(de) te wynnen van halfmeye dat was/ int jair ons he(re)n dusent iiii[c] en(de) seven(en)d(er)tich enen t(er)mijn van ix jae(re)n lanc/ deen na dander sond(er) middel volgen(de) elx jairs dae(re)n bynnen om seke(r) so(m)men/ van coorne en(de) gelde en(de) ande(re) lasten gelijc de brieve vander voirs(creven) pachtingen/ gemaict vander voirs(creven) daten dat clairliker in houden en(de) begrepen So es/ nu de voirs(creven) jan de witte comen in jeg(enwordicheit) d(er) scepen(en) van loeven en(de) heeft/ ov(er)gegeven en(de) bekent dat hij ov(er)gegeven heeft joese van beerhem van/ cortenberghe de pechtinge voirs(creven) die te hebben en(de) te houden van desen/ dage voerts den voirs(creven) t(er)mijn uut in alle alsulker vuegen manie(re)n en(de)/ condicien gelijc hij die vanden voirs(creven) arnde genomen heeft en(de) de/ voirs(creven) scepen(en) brieve begripen en(de) inhouden en(de) heeft geloeft de voirs(creven) joes/ den voirs(creven) janne de witte ende sijn goede van allen punten condicien/ vorwerden en(de) geluften begrepen inden voirs(creven) scepen(en) brieve aen den/ voirs(creven) arnde scadeloes te houden en(de) tontheffen Behoudelic dat/ de voirs(creven) joes ongehouden sijn sal van also verre als de voirs(creven)/ jan ten voirs(creven) arnde waert mids den voirs(creven) scepen(en) brieve(n) in gebreke/ en(de) tachter wesen mach tot den dage toe van heden geloven(de) den/ voirs(creven) jan den voirs(creven) joese vander voirs(creven) pechtingen altoes genoech/ te doen en(de) hem daer af recht warant te sijn tegen ene(n)yegeliken/ alle punten ter goed(er) meyningen en(de) sond(er) argelist Ende hier voer/ zijn borgen des voirs(creven) joes alse principael sculde(re)n ongesund(er)t en(de)/ ongesceiden henrick van beerhem sijn brueder goert adaems van/ vilvoerden ende peter mo(m)marts van humelghem Et p(ri)mus velde/ willemair maii xxvii