It(em) cond zij allen lieden dat jan vlaend(er)man van sentaeghten rode joes/ sterx van sent jorijs weerde en(de) reyne(r) eernarts van lu(m)men wonen(de) ts(en)t aeghte(n) rode/ sijn come(n) in jeg(enwordicheit) ende hebben genomen en(de) bekent sat sij genome(n) hebbe(n)/ van brueder jacob van reppeemont convers van shertogendale inde(n) name/ en(de) van wegen des voirs(creven) goidshuys alle de beemde des voirs(creven) goidshuys gelege(n)/ tsent aeghtenrode uutgenome(n) twee boender beemts d(aer)af deen gelegen/ inden flosch gelijc m(ijn) vrouwe dabdisse vande(n) voirs(creven) godshuyse de selve beemde/ tot heer toe gehoude(n) heeft en(de) doen hantplichte(n) Te houde(n) en(de) te hebben/ van halfm(er)te lestleden ene(n) t(er)mijn van neghen jae(re)n langc deen nae dande(r)/ sonder middel volgen(de) elx jairs dae(re)n bynne(n) om en(de) voir vijfentwingic/ vijfentwintich rijnsche gulden(en) in goude der mu(n)ten vande(n) vier coirvorste(n) goet/ en(de) gheeve te sente mertens misse inde(n) wynter te betale(n) jairlix den voirs(creven)/ t(er)mijn due(re)nde en(de) telke(n) t(er)mine als vervolghde schout It(em) es vorwarde dat/ de voirs(creven) drie p(er)sone de voirs(creven) beemde hoe(re)n t(er)mijn due(ren)de houde(n) selen op/ hoe(re)n cost van geboirleke(n) rechte alse van grave(n) vaghen en(de) royelen It(em)/ selen de voirs(creven) drie p(er)sone de voirs(creven) beemde late(n) tot hoe(re)n afsceide(n) geheymt/ gelijc sijse vijnde(n) te wete(n) den beemt voir den berghe n van nuus gegrave(n)/ en(de) geloken en(de) de willige(n) staende opte vii dachmael beemts ten leste(n)/ jae(re) late(n) drie jair out Ende alle dese vorwarde(n) (et)c(etera) opp(endorp)/ oppend(orp) velde maii xiii