Vanden goede(n) lieden/ van beckevoert/ It(em) tvo(n)nisse tuschen willem(me) van duerne meye(r) te zichnen gheerde vanden/ velde en(de) janne den clerck den jongen inden name en(de) van wegen/ der scepen(en) en(de) gemeynd(er) ond(er)seten des dorps van becke(n)voert en(de) als/ gemechticht vanden selve(n) in deen zijde en(de) andriese de nausnyde(re)/ die na den rechte der stad van loeven beleidt es tot den goeden/ mathijs ramparts in dand(er) zijde alse van enen stucke erfs geheten de/ vroenter [ter] haghen gelegen te becke(n)voert voe(r) thof ter haghen toebehoe(re)nde/ den voirs(creven) mathijse de welke de voirs(creven) gemechtichde van becke(n)vort/ meynden dat een gemeyn vroente wae(r) om in tgemeyn gebruyct/ te worden en(de) open te liggen den voirs(creven) andriese contrarie houden(de)/ meynende dat hij die inslaen soude moegen op also dat hij daer uut/ spliten woude een gemeyn strate die hij kendde daer over te gaen/ Was gewijst met desen woerden na aensprake na verantwerden/ en(de) na thoenissen dat de voirs(creven) p(ar)tien in beiden zijden leydden dat/ de scepen(en) van loeven setten ende wijsden met hoe(re)n vo(n)nisse de/ voirs(creven) p(ar)tien inden hof daer de voirs(creven) goede hoven om ald(aer) malc/ tegen ande(re)n recht te gheven en(de) te nemen pynnoc opp(endorp) rijke/ kersmake(re) velde vynkenb(osch) willem(air) maii xxv