Van joffr(ouwe) lijsbetten van trijt weduwe/ p(er)chevaels wijlen van rippelmonde/ It(em) van alsulke(n) gedinge als voe(r) meye(r) en(de) scepen(en) va(n) lov(en) tussche(n) de vors(creven) joff(rouwe) t(er) eenre/ zijde(n) en(de) mychiele vande(n) rode van putte t(er) ande(re) geweest is van dat de zelve joff(rouwe)/ vande(n) vors(creven) mychiele yerst yesch wittige rekeni(n)ge en(de) betali(n)ge oft bewijsnisse va(n) tgheen/ des de vors(creven) mychiel va(n) hoir gemechticht zijnde va(n) seke(re)n gehave(n) en(de) geboert hadde/ va(n) hoire(n) wege(n) en(de) tot hoire(n) behoef va(n) seke(re)n hae(re)n leengoede(n) chise(n) rinte(n) en(de) h(er)licheide(n)/ die zij na uutwijse(n) seke(re)r scepen(en) brieve(n) va(n) lov(en) tot putte en(de) ond(er) den jonck(er) va(n) p(er)weez/ en(de) d(aer) omtr(ent) heeft Es tvo(n)nisse d(er) scepen(en) va(n) lov(en) behoirlic gemae(n)t zijnde na ae(n)sprake na/ v(er)andw(er)de(n) en(de) thoenisse des vors(creven) mychiels die he(n) seyde ande(re)n p(er)sone(n) d(aer)af genoech gedaen/ hebbende (et) dat de vors(creven) mychiel d(er) vors(creven) joff(rouwe) bewijsnisse oft betalinge doen sal [vandes vors(creven) es] cor(am) py(n)nock/ oppe(n)d(orp) k(er)smake(re) velde vynkenb(osch) willemae(r) die iovis augusti xxiii