Tvonnisse tusschen lijsbetten wedewe aerts wilen bone vleeschouwers welc wilen aert/ bone nae den rechte der stad van loeven(e) gegoet ende geerft was tot sijns selfs behoef/ ende tot behoef mertens wilen van rode in seke(re)n goeden als goede die wae(re)n wille(m)s/ wilen van aken inder selver guedingen genoempt uut enen beleyde daer mede/ wouter wilen van nethenen geheten vanden royele nae den rechte der stad van/ loeven(e) beleydt was tot den goeden willems wilen van aken de welke guedinge/ den voirs(creven) aerde bone gedaen was van roelove vander elst die nae den voirs(creven) be/ leyde nae den selven rechte der stad van loeven(e) beleydt [was] tot den goeden des/ voirs(creven) wilen wouters van nethenen met janne bone hoe(re)n soen ende aelbrechte(n)/ den punde(re) die der voirs(creven) lijsbetten dochter heeft die tvoirs(creven) gedinge consenteerde(n)/ om dat de voirs(creven) lijsbeth een tochtersse was ende geloefden dat de sake met/ ene(n) gedinge doer gaen soude in deen zijde ende gielijse delhe van bossuyt die/ voe(r) meye(r) ende scepen(en) van loeven(e) oec gegoedt en(de) geerft es in seke(re)n goeden als/ goede die wae(re)n mertens wilen van rode ende jans van rode sijns soens in dand(er)/ zijde alse vanden selven goeden inder guedingen des selfs gielijs begrepen Te/ weten is vand(er) woeningen geheten thuys van aken met den huysen hoven/ schue(re)n stallen ende met allen sijnen toebehoirten houden(de) tsamen drie dachmael oft daer/ omtrent gelegen inde p(ro)chie van bossuyt ter plaetsen geheten grerttekem te neve(n) de/ goede des cloesters van sh(er)togen dale ende de goede g(er)truden barlets It(em) van thien/ ende een half dachmael gel lants gelegen achter tvoirs(creven) hof tusschen de goede des/ voirs(creven) cloesters van sh(er)togen dale ende de goede der van joff(rouwe) van bossuyt It(em) van ene(n)/ boend(er) lants gelegen daer bij opten wech geheten beerfosse tusschen de goede jans/ van nethenen geheten vanden royele ende de goede des groten bagijnhoefs van/ loeven(e) It(em) van twee ende een half dachmael lants gelegen opt selve velt/ tusschen de goede aelbrechts de punde(re) ende de goede jacobs delhe It(em) vande(n)/drien gedeelten [derdendeele] van ene(n) boende(r) lants gelegen op tselve velt tusschen de goede/ jans sohir ende de goede der voirs(creven) g(er)truden barlets It(em) van vijf dachmalen/ lants gelegen boven de fonteyne van grettekem tusschen de goeden des cloest(er)s/ vanden wittevrouwen te loeven over beyde sijden It(em) van ene(n) dachmael/ beemts gelegen jegen tvoirs(creven) hof ov(er) tusschen de beemde des voirs(creven) jans van/ nethenen ende de strate ald(aer) It(em) van ene(n) boende(r) lants gelegen achter de/ hoeve van grottekem tusschen de goede der joffr(ouwe) van bossuyt en(de) den bosch/ willems vand(er) fontaynen It(em) van ene(n) cleyne(n) stuck bosch houden(de) tsestich roeden/ oft daer omtrent also tgelegen es ter plaetsen geheten co(m)mynne tusschen/ de goede des voirs(creven) cloesters van sh(er)togen dale en(de) de goede des autaers van/ sente katlijnen ind(er) kerken van bossuyt en(de) geleg gelijc de voirs(creven) goede inde/ voirs(creven) plaetsen gelegen sijn luttel myn of meer inde maet houdende/ It(em) van vijf capuynen en(de) ene(n) halve(n) en(de) vierentwintich pe(n)ninge(n) vier brode
//
ene(n) hoeydach en(de) twee fertelen evene(n) aen en(de) op een huys en(de) hof met sijnre/ toebehoirten [des voirs(creven)] gielijs delhe gelegen te grettekem neve(n) de fontayne aldaer It(em)/ van ene(n) capuyn drie brode twee stiere evene(n) en(de) drie hellinge aen en(de) op een/ huys en(de) hof met sijnd(er) toebehoirten symoens vanden gasthuyse gelegen/ te grettekem ald(er) naest den goeden willems van aken natuerlec It(em) van/ twee pe(n)ningen aen en(de) op drie stucken lants des groten begijnhoefs van loeven/ gelegen inde voirs(creven) p(ro)chie van bossuyt in vele stucken ald(aer) It(em) van twee pe(n)ni(n)gen/ aen en(de) op ene(n) ene(n) hof gelege geheten den scaelgie gelegen te bossuyt ter/ ter plaetsen geheten gaweyn Item van twee pe(n)ni(n)ge aen en(de) op een half boend(er)/ lants willems van kessele [gelegen] ter plaetsen geheten godival It(em) van twee pe(n)ni(n)ge(n)/ aen en(de) op een half boend(er) lants jans van nethenen gelegen inde voirs(creven)/ plaetse geheten godival It(em) van ene(n) witte(n) pe(n)ni(n)ge [geheten blancke] aen en(de) op een half/ dachmael lants wouters del sens gelegen ter plaetsen geheten comijn/ al ouden tsijs ten behoirlijken tijde te betalen Item van(der) heerlicheit totte(n)/ selven tsijse behoren(de) Van welken goeden de voirs(creven) gielijs delhe de jaergebode / hadde doen doen nae den rechte en(de) statute der stad van loeven die lange/ over djaer gegaen wae(re)n ongecalengeert vander voirs(creven) lijsbette(n) of yemant/ and(er)s van hoe(re)n wegen mids macht van welken jaergeboden de voirs(creven) gielijs/ meynde dat hem de voirs(creven) guedinge der voirs(creven) lijsbetten uut den voirs(creven) oude(n)/ beleyden gheen onstade doen en souden aen de voirs(creven) goede nae dien dat hij/ de possessie vanden selven goede sijd(er)t d(er) goedingen en(de) de voirs(creven) wilen/ merten en(de) jan sijn soen voer der selver goedingen gehadt hadden ende/ die te leene ontfangen hadden van onsen gened(igen) he(r) den h(er)toge van brabant/ Te weten symoen wilen willem(air) nae doet des voirs(creven) wilen willems/ van aken en(de) de voirs(creven) merten nae doet des selfs wilen symoens sijns/ wittichs oems en(de) de voirs(creven) jan van rode nae doet sijns vaders en(de) de/ voirs(creven) gielijs nae sijnre voirs(creven) goedingen gelijc de voirs(creven) gielijs dat int / recht thoende beyde met leenbrieven ons gened(ichs) he(re)n en(de) sijnre voirsete(n)/ levenden getuygen en(de) met gescriften uuten leenboecke ons gened(ichs) he(re)n/ voirg(enoemt) Was gewijst met desen woirden nae aensprake nae ver/ antw(er)den en(de) nae thoenisse van beyde den p(ar)tien dat de voirs(creven) lijsbeth/ boens met hoe(r) voirs(creven) guedingen aen de voirs(creven) goede verdoelt wae(r) en(de)/ hadde zij of yemant and(er)s e(n)nich recht te vervolgen van versterfenissen/ of and(er)s dat sij dat doen mochte metten rechte lomb(ar)t lyemi(n)ghen voshe(m)/ dormale septembr(is) iii[a]