It(em) henrick laureys soen henrics wilen laureys in jeg(enwordicheit) (et)c(etera) heeft gehuert/ ende bekent dat hij gehuert heeft tegen meester janne ostonis licenciaet/ In decreten ruwaert vanden landen van arscot ende van bierbeke/ een huys gelijc dat gelegen es inde scepstrate tuschen den selven [goede des selfs]/ meester janse in deen zijde en(de) wouters blideleven cupe(r) in dande(re)/ enen t(er)mijn van iiii jae(re)n lanc van sente jansmisse baptisten lestlede(n)/ deen na dand(er) sond(er) middel volgende elx jaers dae(re)n bynnen voe(r)/ voer iiii rijnsche gulden in goude te sent jansmisse baptisten nae te/ betalen alle jae(re) den t(er)mijn voirs(creven) due(re)nde en(de) telken t(er)mijne alse/ vervolghde schout Met alsulker condicien eest dat de voirs(creven) meest(er)/ jan tvoirs(creven) huys vercopen wilt of ald(aer) ty(m)me(re)n dat hij dat tallen/ tiden sal moegen doen en(de) dat dan de voirs(creven) hueringen uut sijn/ sal behoudelic dat hijt den voirs(creven) henricken een half jaer te/ voe(re)n seggen sal sond(er) argelist voshem dormale aug(usti) xii