Vand(er) stad van sentruden/ Item van alsulker aenspraken als jan van dormale jans soen was die na den/ rechte der stad van loeven(e) beleit is tot den beruerliken goeden abrahams van/ ha(m)me geheten breenens soen wilen lambrechts gedaen heeft tot amant/ van weese(re) als borg(er)meest(er) vand(er) stat van sentruden en(de) gielijse aftoers/ dieme(n) heet inden bock in geseten der selver stat alse van tween brieven/ besegelt mett(er) stat segel van sentruden vand(er) daten xiiii[c] en(de) vii dair inne/ de borg(er)meest(er)s raet goev(er)noers en(de) de gemeyn stad van sentruden gecon/ senteert hebben te weten [inden ene(n) brief] lambrechte(n) wilen breenens vad(er) des voirs(creven) abrahams/ voir scade die hij geleden hadde dat hij xx jair lanc hebben en(de) heffen/ soude aen de mombore(n) der armer gulden van sentruden tsjaers twee en(de)/ een half mudde rogs en(de) inden ande(re)n brief dat pauwels breene(n) dair af de/ voirs(creven) abraham erfgenaem af was soe de voirs(creven) jan meynde ene(n) t(er)mijn van/ xx jae(re)n langc tsjaers sesse mudden roggen aen de mo(m)bore(n) der armer/ tafelen voirs(creven) [heffen soude] De welke renten de voirs(creven) jan van dormale meynde dat/ hem de voirs(creven) borg(er)meest(er) en(de) gielijs opleggen souden uut macht vande(n)/ voirs(creven) beleyde als ingeseten(en) der stad van sentruden of bewisenis d(aer) af doen (et)c(etera)/ Hevet tvo(n)nisse der scepen(en) van loven(e) gewijst dat de voirs(creven) jan van / dormale met sijne(n) beleyde [voirs(creven)] verdoelt is aen de rente(n) voirg(eruert) ende heeft/ de voirs(creven) abraham dair af yet te vervolgen dat hij dat doen mach tsintrude(n)/ behoudelic dien dat de voirs(creven) borg(er)meest(er) den voirs(creven) abraham dair toe sal/ doen hebben geleyde vander stat van sentruden gelijc de selve borg(er)meest(er)/ inden rechte gep(rese)nteert hadde cor(am) lomb(ar)t absoloens pynnoc voshem/ dormale septembr(is) vii