It(em) gheert vanden hove wonen(de) ter loven mostierez heeft geloeft marien/ van pere dochter jans wilen van pere dat hij der selv(er) marien goede/ vesticheit doen sal met goeden en(de) ond(er)panden daer voe(r) goet genoech/ sijnde ter taxacien van goeden ma(n)nen of vijnd(er)s vanden hove daer/ de selve ond(er)pande hoven van twee mudden rogs d(er) maten van/ loeven lijfpensien ten live anthoenijs en(de) lijskens natuerlike kijnde(re)n/ des voirs(creven) gheerts en(de) marien en(de) to den live des lanxsten levende/ van hen beiden [allen jae(re) te kersmisse vallen(de)] behoudelic der voirs(creven) marien hoe(r) heffen daer inne/ also lange als sij leven sal en(de) dat tuschen dit en(de) alre heyligen/ misse naestcomen(de) en(de) daer toe also veel te doen dat den voirs(creven)/ kijnde(re)n tot hoe(re)n live en(de) tot den live des lanxste leven(de) van hen/ vast en(de) seker sijn sal sond(er) argelist hier in ond(er)sproken dat/ de voirs(creven) gheert gestaen sal m te kersmisse naestcomen(de) met/ enen mudde p van pachte te betalen al sond(er) argelist/ vynck dormale sept(embris) xvi