It(em) uut dien dat stoet en(de) gescille opv(er)staen was tuschen janne van berkelaer/ wonen(de) ter reet in deen zijde en(de) janne de cupe(re) knape der stad van/ loeven die beleidt es na den rechte der stad van loeven tot den/ goeden arnts van ghiessen in dande(re) van seke(re)n erfliken goeden tot ond(er) de/[banck va(n)] artslaer gelegen so sijn de voirs(creven) p(ar)tien comen voe(r) scep de welke/ den voirs(creven) janne de cupe(re) en(de) sijnen beleide bij continuacien des voirs(creven)/ jans van berkelaer biden vo(n)nisse d(er) scepen(en) van loeven aengewesen/ sijn So sijn de voirs(creven) p(ar)tien come(n) voe(r) scepen(en) van loeven en(de)/ hebben hen vanden voirs(creven) stote en(de) des daer aen cleven mach/ verbonden en(de) gesubmitteert in segge(re)n en(de) vriendelike yffene(re)n/ te weten de voirs(creven) jan van berkelaer in gielise van berkelaer sijne(n)/ brueder en(de) geheerde brau en(de) de voirs(creven) jan de cupe(re) in woute(re)n/ van he quaderebbe en(de) wille(m)me van haren in alsulker vuegen/ dat de voirs(creven) iiii segge(re)n beid(er) p(ar)tien besceit aenhoe(re)n en(de) wael/ wegen selen en(de) hoe(r) seggen daer af uutenen bynne(n) xiiii/ nachten naestcomen(de) op dat zijs eens en(de) van accoerde sijn/ en(de) of zijs niet eens en zijn so selen zij tsamen bynne(n) den/ selve(n) tide nemen enen ov(er)man te weten mychiele van/ berkelaer natuerlic brued(er) der voirs(creven) gebruede(re) die sijn segge(n)/ daer af uutenen en(de) seggen sal bynnen xiiii nachten daer/ na volgen(de) geloven(de) vast en(de) gestentich te houden zo wes/ de voirs(creven) iiii segg(ere)n of de ov(er)man daer af voe(r) hoe(r) seggen/ uutspreken selen en(de) o Geloven(de) voert de voirs(creven) p(ar)tien/ tegen malcande(re)n int recht te comen voe(r) meye(r) en(de) scepen(en)/ van loeven vanden voirs(creven) goeden des naesten dijsdaichs/ na dat den voirs(creven) tijt vanden ov(er)man uut sijn sal op dat/ tseggen me in tijts niet geseeght en worde lye(ming)[en]/ lombart sept(embris) xx des vrydaichs