It(em) alsoe als voe(r) den raide der stad van loeven(e) in questien en(de) gescille/ comen sijn een groet deel vande(n) goede(n) lieden int buyte(n) lant van diest/ ond(er) de banck van caggenve(n)ne gesete(n) ter eenre en(de) een deel vande(n)/ ingeseten(en) en(de) buyte(n) geseten(en) int selve lant gegoedt en(de) geerft wesen(de)/ inde gemeyn broecke en(de) aerde des selfs lants van diest en(de) van/ zichen(en) ter ande(re) zijde(n) thoenen(de) de selve gemeynte van buyten hoe/ dat den aert int selve buyten lant van diest van alsoe/ langen tijden dat nyeman(n)t der contrarie(n) en [ge]dachte tot half mey/ toe open en(de) gemeyn gelegen hadde also dat sij huer beesten/ dair op driven en(de) weyen mochte(n) zund(er)linge zed(er) eenen/ zeke(re)n vo(n)nisse daer af bijde(n) scepen(en) van caggeve(n)ne uute(n) ov(er)hoede(n)/ der scepen(en) van loeven(e) gehaelt geluyt en(de) gewesen tusschen/ hen den goeden armen luyde(n) van buyte(n) ter eenre en(de) den goede(n)/ lieden van diest en(de) gegoedde(n) inde(n) selven aert hen alsdoen/ des p(ar)tie maken(de) ter ande(re) daer dat de selve goede liede van/ buyten in huerd(er) possessien gewijst werden te bliven also verre/ het noch voe(r) scepen(en) van loeven(e) comen was ende dat sij/ de voirs(creven) possessie aldus gehadt hadden en(de) heerbracht ov(er)al/ op dat hem tvoirs(creven) huer vo(n)nisse te cleyn wae(re) so bode(n) sijt/ noch te bewijse(n) mette(n) mynsten daer mede sij gestae(n) mochte(n)/ en(de) dat oic te dier tijt dat de selve vo(n)nissen gewijst wae(re)n/ de gemeynte van buyte(n) ov(er) al den last des voirs(creven) gedings/ in allen den gehuchte(n) ald(aer) hulpen dragen dat boden sij/ oftment hen ontkynne(n) woude als voe(r) te bewijsen mette(n)/ gheene(n) die nu alhier jegen hen quame(n) ende erve seder/ den voirs(creven) gedinge inde voirs(creven) gemeyn en(de) aerdt gecocht/ hadde(n) d(aer)om sij nu p(ar)tie vielen om huer erve te sluyten/ en(de) al mochte(n) de voirs(creven) poirte(re)n en(de) gegoedde allige(re)n dat ze(re)/ den voirs(creven) vo(n)nisse en(de) and(er) vo(n)nisse uute(n) ov(er)hoede den scepen(en)/ van loeven(e) come(n) wae(re)n dair gewijst w(er)t om dat e(n)nige der/ voirs(creven) gemeynte(n) de grechte(n) ned(er)geslage(n) hadde(n) sond(er) recht dat/ sij dwed(er) op rechte(n) soude(n) en(de) hadde(n) sij dae(re)n teynde(n) yet te/ suecken dat sij dat dade(n) mette(n) rechte ind(er) manie(re)n tselve/ vo(n)nisse begreept soe waer tselve vo(n)nisse soe sijt geepe(n) alsoe/ gegaen om deswille dat sij tselve nederslaen sond(er) bewese(n)/ vande(n) rechte(re)n bego(n)ne(n) hadde en(de) aldus hoepe(n) de selve/ goede arme gemeynte(n) na den voirs(creven) schoeve(n) heerbringe(n)/ dat sij hadde(n) en(de) nae tgoet vo(n)nisse dat uute(n) goede(n) ov(er)hoede/ / comen was dat sij in huerd(er) possessie(n) blive(n) soude(n) en(de) dat sij der/ selv(er) aerde nutte(n) en(de) gebruycken soude(n) topen(en) tijde gelijc voirs(creven) es/ en(de) des getroeste(n) sij hen tot alsulk(er) t(er)minacie(n) als den raide vand(er)/ stad d(aer)op geliefde te stelle(n) Daerop de voirs(creven) gegoedde en(de) geerfde/ inde selve aerde beyde bynne(n) en(de) buyte(n) der stad van diest gesete(n)/ deden segge(n) dat hen zee(r) verwonderde dat de voirs(creven) gemeynte/ al de voirs(creven) beemde al ope(n) en(de) vroente hebbe(n) woude(n) aengesien/ voe(r) ter tijt als dierste gedinge gerees dat alsda(n) uut den selve(n)/ gemeyne(n) niema(n)t tegen hen tgedinge en vuerde dan die/ vande(n) berge die van mulstede en(de) mathijs moens scieffen(en) voe(r)/ he(m) selve(n) en(de) aldus en wae(re) de selve gemeynte niet gehelic/ bedingt maer wae(re)n daer vele gehuchte(n) acht(er)bleve(n) die/ hen des gheen p(ar)tie maken en woude(n) Oic wae(re)n de voirs(creven)/ leste(n) vo(n)nisse geloepe(n) als de voirs(creven) gemeynte verhaelt daer/ gewijst wert dat de twee de voirs(creven) grechte(n) wed(er) op make(n)/ soude(n) also die voe(r) wae(re)n want se sond(er) den he(re) ned(er)geslage(n)/ wae(re)n en(de) hadde de gemeynte alsda(n) yet te volgen dat dat/ gesciede met rechte vordaen hadden en(de) hielde(n) zij en(de)/ de meeste(n) deel van hen huer erve(n) beslote(n) die sij ende/ huer voirsete(n) lange(n) tijt beslote(n) hadde(n) gehoude(n) som over/ xx jaer som myn en(de) som meer hoepten ten uut(er)steyn en/ meyndde(n) gem(er)ct dat sij d(aer)om noeyt voir recht getoge(n)/ en wae(re)n dat sij noch d(aer)af in hoird(er) possessien blive(n) soude(n)/ tott(er) tijt toe dat hem dat afgewo(n)nen wae(re) mette(n) rechte/ dair sij altijt gereet p(rese)nteerde(n) te comen ter plaetsen daer dat/ behoirde Was ten uutersten bijde(n) vollen raide vand(er) stad/ d(aer)om notabelick vergadert te worde(n) voe(re)n raet en(de) deliberacie/ opde matirie gehadt ov(er)drage(n) en(de) get(er)mineert voe(r) reden/ en(de) recht dat de voirs(creven) gemeynte van buyte(n) vand(er) vroente(n)/ inden yersten gedinge verhandelt navolgen(de) den goeden/ vo(n)nisse blive(n) sele(n) in huerd(er) possessien en(de) bewynde(n) ende/ vande(n) gheene(n) dat inde(n) navo(n)nisse gehandelt wert/ d(aer)af selen de poirte(re)n en(de) gegoidde dien dat [aen] cleeft blive(n)/ geslote(n) tott(er) tijt dat der selv(er) gemeynte(n) gelieft daeraf ae(n)sp(ra)ke(n)/ aentespreken en(de) van des inde(n) voirs(creven) gedinge voe(r) noch/ nae verhandelt en es d(aer)af sal elck van hen bliven ind(er)/ possessien d(aer) hij inne vonde(n) wort tott(er) tijt dat hij dair/ uut gewo(n)nen wort [sal wesen] en(de) al mette(n) rechte p(rese)nt(ibus) mych(aele) abs(oloens) et/ walt(ero) ca(pelle)[ma(n)] burg(imagistris) c(um) plu(r)ib(us) aliis oct(obris) penulti(m)a a(nn)[o] xliiii