Item vander aenspraken die mathijs van bigarden als man ende mo(m)boir joffr(ouwe)/ marien van assche sijns wijfs dochter h(er) robrechts wilen van assche ridders/ gedaen heeft tot vrouwe johanne(n) weduwe des selfs wilen h(ere)n robrechts/ sijnder zweger alse van drie pointe(n) te weten(e) van xx guld(en) jairliker renten/ die de voirs(creven) vrouwe johannen der voirs(creven) joffr(ouwe) marien ten onderwijse vanden/ vriende(n) hoirer dochter geloeft hadde ende eer sij huwelic dede daer opsij na/ huwelic doen mochte ende van zeke(re)n eykenen ende harden opgaeden houte ende/ truynckeycken die de selve vrouwe johanne in hue(re)n weduwe stole hadde/ doen afhouden des sij een tochtersse van hue(re)n goeden sijnde niet doen en mochte/ ende voirtaen dat de selve vrouwe johanne de goede hue(r) gebleven na der/ doot des voirs(creven) wilen he(re)n roebrechts hoers mans te rise liet gaen en(de) v(er)valle(n)/ en(de) die niet en hielden alse een tocht(er)sse sculdich was te doen mair vervielen/ en(de) verderfden bij quader sustentacien ter scaden en(de) achterdeele des selfs math(ijs)/ en(de) sijns wijfs die dairaf erfgenamen wae(re)n was ten utersten na ae(n)sprake/ verantwerden en(de) thoenisse beider voirs(creven) p(ar)tien d(aer)op yerst gehoirt biden he(re)n/ scepen(en) van loeven(en) ter manissen smeyers gewijst voe(r) een vo(n)nisse dat de/ selve v math(ijs) vanden yersten pointe verdoelt wae(re) met alsulker ae(n)sprake(n)/ alse hij der selv(er) sijnd(er) zweger van dien gedaen hadde en(de) vanden/ opgaenden houte en(de) trunckeyken die sij afgehouwen hadde d(aer)af/ soude de voirs(creven) vrouwe johanne also verre sij tselve hout aende/ rep(ar)acie vanden huyse niet geleet en hadde restitucie doen en(de)/ den voirs(creven) mathijse oprichten ten prise goeder knapen Voirtaen alse/ vanden huysen en(de) gestichten die soude de voirs(creven) vrouwe joha(n)ne/ repare(re)n en(de) houden voirtaen in goeden state also een toghtersse dat/ sculdich es te doen en(de) dat desgelix ten prise van goeder ma(n)nen/ cor(am) d(omi)no lu(dovi)[co] pynnock rike witte ov(er)wynge et vynk(enbosch) ja(nuarii) penulti(m)a/