henrick ve(re)nzannen/ Item tvo(n)nisse vanden gedinge hangen(de) voe(r) meye(r) en(de) scepen(en) van loeven(en)/ tusschen meester janne stockelpot doctor in medecinen die met alarde/ stockelpot sijnen vader geleid es tot allen den goeden have en(de) erve jans/ stockelpots brued(er)s des voirs(creven) alarts en(de) oem des voirs(creven) meest(er) jans in deen/ zijde ende henricke ve(re)nza(n)nen scrijnmake(re) in dande(re) inden welken gedi(n)ge/ de voirs(creven) henrick als mo(m)boir sijns wijfs aensprack de goede hier na bescr(even)/ en(de) genoempt te weten inden yersten een half vierdel wijngarts geleg(en)/ opten vogelsanck inde p(ro)chie van hev(er)le tusschen de goede wout(er)s pund(er)s/ in deen zijde en(de) jans stockelpots in dande(re) It(em) xviii roeden wij(n)garts/ geleg(en) inde voirs(creven) plaetse tusschen [de goede] des voirs(creven) janse en(de) alarden stockelpots/ gebruede(re)n over beyden zijden It(em) l roeden lants d(er) maten van hev(er)le/ geleg(en) ald(er)naest den goede(n) voirs(creven) Dair op dat de selve henrick mey(n)de/ dat anne wittighe dochter henrix vanden tymple sijn wijf die/ de selve henrick heet van gertruden stockelpots natuerlike dochter/ joffr(ouwe) geertruden wijlen stockelpots wittige zuster jans en(de) alarts/ voirs(creven) en(de) oud(er)moed(er) der voirs(creven) a(n)nen versien was wand(er) selver joffr(ouwe)/ g(er)truden hoird(er) oud(er)moed(er) met eene(n) tastamente opde voirs(creven) goede(n) en(de)/ die zij besadt alle hue(re)n duerdach xviii xx jair en(de) dair uut/ sij starf als uut hae(re)n wittigen erve beg(er)de d(aer)om de voirs(creven) henrick/ metten selven testamente voirts te vae(re)n ter plaetsen dair dat behoirde/ oic hadde hij also hij seide opde voirs(creven) goede gevolght mette(n) hofrechte/ dair hij den voirs(creven) alarde en(de) dande(re) erfgename(n) hadde doen dach/ doen na den welken de voirs(creven) meest(er) jan met sijne(n) scepen(en)/ brieve(n) meynde ond(er) dande(re) sijn redene(n) dat de voirs(creven) henrick van/ aen dese goede v(er)doelt wae(re) wa(n)t die gelege(n) waren ond(er) de ba(n)c/ van hev(er)le en(de) ond(er) de vo(n)nissen die te ludick hoedden dair van/ rechte gheen suste(re) deylinge [deylinghe] en wae(re) en(de) also en conste de voirs(creven)/ joffr(ouwe) g(er)truydt dese goede negheensins belasten hoewael dat/ sijse eene(n) corte(n) [cortten] tijt van gracie(n) ghehouden mocht hebben
//
was ten uutersten nae aensprake v(er)andw(er)den en(de) thoenisse van beyde(n) p(ar)tien/ d(aer)op yerst ghehoirt ter manissen smeyers bijden he(re)n tscepen(en) van loeven(en)/ gewijst dat den voirs(creven) meest(er) janne en(de) sijne(n) beleide voghe(n) selen de/ helcht van desen goeden en(de) heeft de voirs(creven) henrick van wegen sijns/ wijfs yet te volgen met sijne(n) testame(n)te dat hij dat doen mach ter/ plaetsen d(aer)dat behoirt p(rese)nt(ibus) o(mn)ib(us) scab(inis) de(m)pto py(n)nock ov(er)wy(n)ge oct(obris) p(rim)[a]/