It(em) wij loedewijck de rijke en(de) jan de witte soen wilen vranx scepen(en) van/ loeven(en) doen cond eenen iegeliken dien desen brief gethoent sal werden also/ als onse gened(ichen) he(re) saliger gedenckenissen h(er)toge jan h(er)toghe van lothr(ingen)/van lothr(ingen) van brabant en(de) van lymborsch etc(etera) voirtijden met sijne(n)/ openen bezegelden brieven gegeven en(de) verleent heeft woute(re)n tasschart/ tconincscap vanden merslieden inden lande van brabant met alle(n)/ rechten baten en(de) vervalle(n) daer toe behoirende te houden te rege(re)n/ en(de) te verwae(re)n des selfs wout(er)s leefdage lanc gelijc de selve open(en)/ brieve die de voirs(creven) wout(er) ons ons liet bliken claerlic begripen en(de)/ uutwijsen ende [de] selve wout(er) mids zeke(re)n reden(en) die hij dair toe heeft/ also hij h seide niet gescaedt en es tvoirs(creven) conincscap nu voirtaen yet/ meer te rege(re)n noch te verwae(re)n gelijck daer toe behoiren soude en(de)/ besund(er)t om dat hij een tijdich p(er)soen es niet wael mechtich dat/ te begaen en(de) te bestaen gelijc gelijc wel van noode wae(re)
//
so eest dat de voirs(creven) wout(er) comen es voe(r) ons en(de) heeft gegeven ende/ bekent dat hij gegeven heeft tvoirs(creven) conincscap met alle(n) den rechte(n)/ p(ro)fiten en(de) vervallen daer toe hoe(re)nde en(de) allet recht dat hij dair/ aen hadde en(de) hebben mochte in e(n)niger manie(re)n ja(n)ne van he(re)ndale/ poirte(re) der stad van loeven(en) te houde(n) te hebbe(n) en(de) te gebruycke(n)/ also lange als de selve wout(er) leven sal voe(r) en(de) om eene(n) zeke(re)n prijs/ van gelde dairaf hij hem vanden voirs(creven) janne hielt wael betaelt/ en(de) vernueght geloven(de) de voirs(creven) wout(er) also verre alst in hem es/ den selven janne volcomen macht en(de) sond(er) e(n)nich wed(er)roepen tvoirs(creven)/ conincscap te rege(re)n te bediene(n) en(de) te verwae(re)n des selfs wout(er)s leefdage/ lanc gelijc daer toe behoirt en(de) een coninck vande(n) merslieden doen/ mach en(de) sculdich es te doen en(de) voert allet gheen dair mede en(de)/ inne te doen dat hij selve doen soude oft doen mochte op dat/ hij altijt tegenwoirdich en(de) in p(rese)ncien wae(re) en(de) tvoirs(creven) ov(er)geven niet/ en wae(re) gesciet geloven(de) de voirs(creven) wout(er) den voirs(creven) janne inde(n)/ voirs(creven) zaken ne(m)mermeer stoet hynd(er) of letsel te doen noch te/ doen doen in e(n)nig(er) manie(re)n mair vast gestentich en(de) van/ werden te houde(n) zo wes de voirs(creven) jan d(aer)mede doen en(de) vorde(re)n/ sal sond(er) argelist en(de) des terconde(n) zo hebbe(n) wij scepen(en) voirs(creven) onse/ zegele aen dese(n) brief doen hangen geg(even) xxiii dage in no(vembris)/ a(nn)[o] xliiii/