It(em) es vorw(er)de en(de) ond(er)sproken dat de voirs(creven) willem hem metten/ voirs(creven) scoutbrieve niet voird(er) en sal doen beleyden dan totten goede(n)/ hier nae genoempt Inden yersten tot eene(n) beemde gelegen tot/ oplynthe(re) tusschen arnt roeck en(de) wouter de beke geheeten dasbeke/ op deen zijde en(de) wout(er) de bye op dande(re) zijde It(em) tot eene(n) beemde/ gelegen inde voirs(creven) p(ro)chie opden ouden driesch tussche(n) de goede h(ere)n/ gheerds ve(re)nlarien priesters en(de) el henric van byvoerden It(em) tot/ eene(n) mudde [sack] coe(re)ns pacht van lynthe(re) en(de) mate van thienen erfs/It(em) pachts die de voirs(creven) reyne(re) en(de) katlijne gehuysschen hebben en(de)/ houden(de) sijn op zeke(re) pande toebehoren(de) janne vand(er) valporten en(de)/ joffr(ouwe) lijsbetten sijnre werdynne(n) gelege(n) toplynthe(re) op trot It(em)/ tot eene(n) derdendeele van eene(n) boende(r) lants gelege(n) op tvoirs(creven) rot/ tusschen de goede goerts anssems en(de) der ef erfgename(n) ghijsbrechts/ quatters Te deser meyni(n)ghen dat de(n) voirs(creven) willem(me) nae doot/ des voirs(creven) reyneers et katlijnen sijns wijfs en(de) niet eer volge(n)/ de voirs(creven) twee beemde volgen sullen en(de) sijne(n) vryen wille daer/ mede doen en(de) voerts soe sal de voirs(creven) willem tvoirs(creven) mudde/ coe(re)ns en(de) stuck lants ter stont moege(n) vercopen en(de) sijne(n) wille/ d(aer) mede doen bij also dat hij gheerden colarts beta natuerlic/ soen des voirs(creven) reyners betale(n) sal xl gulden crone(n) der/ mu(n)ten des coninx van vrancr(ijcke) goet van goude en(de) zwaer van
//
gewichten en(de) den cost en(de) last die de voirs(creven) gheerts gehadt vand heeft/ vanden beleyde dat hij op de voirs(creven) goede om der voirs(creven) schout wille/ gedaen heeft en(de) and(er)s niet cor(am) eisd(em)/

It(em) de voirs(creven) wille(m)/ fyelie(n) heeft beleyt/ vande(n) voirs(creven) scoutbrieve/ doen ov(er)brenge(n)/ xii[a] junii seq(ui)t(u)r/ en(de) gued(inge) gedaen/ vande(n) saier corens/ vande(n) stucke lants/ met (con)sente ghreets/ colarts die va(n) sijne(n)/ xl rijd(er)s mette(n)/ gelde betaelt/ wart en(de) voert/ vand(er) helicht vande(n)/ ii boende(r) opde/ tocht die reyne(re)/ en(de) sijn wijf d(aer)/ inne behoude(n)/ hebbe(n) nae tenue(re)/vand(er) [va(n) deser] voirw(er)den/ en(de) alsoe blijft hij/ noch int beleyt/ vand(er) helicht va(n)den/ ii stucke(n) beems/ en(de) va(n) niet meer/ en(de) d(aer) met salme(n) he(m) laete(n) welke werken opde helicht vanden ii stucke(n) beemts opde/ tocht vanden beke(n)ners gelijct in deser vorw(er)de steet en(de) niet voerd(er)/

It(em) van dese(n) ande(re)n helichte(n) heeft hij desgelijx de guedinge gedaen nae beg(ri)p/ vand(er) guedinge(n) dec(embris) p(rim)a a(nn)o xiiii[c] xlv en(de) alsoe es dbeleyt te/ nyeute/