Item h(er) willem van gavere archidiaken van kempelant inder kerken van ludick/ proefst van tricht hee(re) van reeseghem en(de) van liedekerke ter eenre zijden en(de)/ h(er) jan van vylain he(re) van wisse van pamele en(de) van leetberghe etc(etera) ridder/ ter ande(re) sijn comen in jeg(ewordicheit) der scepen(en) van loeven(en) en(de) hebben gekent en(de)/ gelijt dat sij met malcande(re)n eens worden sijn en(de) bevoirwert hebben de/ voirwerden en(de) coma(n)scapen geluften en(de) condicien hier na bescreven Inden/ Iersten dat de voirs(creven) h(er)willem vercocht heeft den voirs(creven) h(er) janne in tytle/ van rechter en(de) wittiger coma(n)scapen vijfhondert drie en(de) dertich ouder schilde/ en(de) een derdendeel erfliker renten die de voirs(creven) he(re) van liedekerke heeft/ geplogen te heffen op dlant van breda geheten de rinte van breda
//
gedragende jairlix boven die lijfrenten die jonck(er) jan van dairop heeft tsijne(n)/ live zeven(en)tachtich ponde(n) gr(oot) vleemscher mu(n)ten ende es een leen datmen houdt/ vander edelder en(de) vermogender m(ijn) joffr(ouwe) van nassouwen als erfvrouwe vande(n)/ voirs(creven) lande van breda weduwe jonck(er) engelbrechs van nassouwen den/ pe(n)ning om twintich op welke voirs(creven) erfrenten joncker jan van nassouwen/ zoon des voirs(creven) jonck(er) engelbrechts zeliger gedachten en(de) der voirs(creven) joffr(ouwe)/ heeft jairlix tot sijnen live en(de) niet langer hondert en(de) vijftich der voirs(creven)/ ouder schilde oft zwaer croenen diemen lossen mach den pe(n)ninck met thienen/ waer af de voirs(creven) m(ijn) jan den voirs(creven) hee(re) van lyedekerke rente over rente pe(n)ninc/ jegens penninck bewijsen moet ofte in gereeden pe(n)ningen ende evenverre dat/ hem m(ijn) jan rente bewijst dats rente vuer rente pe(n)ninc jegen penninc ende/ es voirw(er)de tusschen hen beiden dat m(ijn) jan voirs(creven) en(de) met hem vruwe goedele/ dochter wilen godevaerts raes sijne wettige gesellinne den voirg(enoemde) hee(re) van/ liedekerke sinen oem overgeven sal in minderi(n)ngen vand(er) betalingen vander/ voirs(creven) renten van breda sijn slot en(de) huys te sterbeke met allen sijnen/ toebehoirten in wynnen(de) lande wate(re)n weiden en(de) meerschen alsoet gestaen en(de)/ gelegen es groet sijnde negentitich boende(r) of dair omtrent gelden(de) jairlix/ in pachte hondert zacke coerens bove(n) alle co(m)me(re) over de so(m)me van sesduyse(n)t/ saluyten ende boven desen so sal de voirs(creven) jan overgeven alsulke loeve(n)sche/ brieven en(de) vesticheit als hij dair af heeft inden handen van janne van/ rijsel en(de) hem oft den gheenen die hem gelieven sal dair inne erven en(de)/ goeden wel en(de) vast voir meye(r) en(de) scepen(en) van loeven(en) de welke brieve(n)/ bliven selen onder den voirg(enoemde) ja(n)ne van rijsel tot diere tijt toe dat de/ voirs(creven) he(re) van liedekerke hem wed(er)omme alsulken vesticheit vanden/ voirg(enoemde) v[c] xxxiii ouden scilden en(de) een derdendeel inder manie(re)n/ hier na bescr(even) gedaen sal hebben Welke guedinghe volcomelic gedaen/ zijnde de voirs(creven) he(re) van liedekerke de voirg(enoemde) loevensche brieve(n) tot/ hemw(er)t alleene hebben en(de) aenverden sal moegen ende van gelijken/ sal de voirs(creven) he(re) van liekerke tusschen dit en(de) sente andries misse/ naistcomen(de) den voirg(enoemde) h(er)janne vylain moeten erven en(de) goeden/ ofte den gheene(n) die hem gelieven sal soe dat hij d(aer)inne vast en(de)/ zeker zij voe(r) hoff en(de) hee(re) dair de voirg(enoemde) goede of rente van/ breda afvue(re)n en(de) gehouden sijn ofte bijden ov(er)hee(re) op dat hij gebreck/ hadde vanden hee(re) dair de voirs(creven) rente afgehoude(n) es soe verre dat/ dat genoech sijn sal na hoffrecht en(de) geloven voir scepen(en) van loeven(en)/ den voirg(enoemde) janne vilain vander selver guedingen waerscap en(de) altoes/ genoech te doene op datt(er) yet aengebrake Voirt so sal m(ijn) jan vilain/ den voirg(enoemde) he(re) van liekerke sinen oem erven en(de) goeden ofte den ghene(n)/ die hij dair inne geerft wilt hebben binnen vi weken naestcomen(de) int/ veertich ponden groten tjaers en(de) hem die wettelic bynnen de castelrien/ van gendt oft bynne(n) den ghentschen bewijsen dair hijs vast en(de)/ zeker sijn sal te weten es een pacht goet geheten markette gelegen/ inde p(ro)chie van scorisse gelden nu ter tijt in pachte viii l(i)b(ra) ii st(tuver) gr(oet)/ tjaers Item noch opt bosch vander riest xxx l(i)b(ra) iiii s(chellingen) ii d(enier) gr(oot) en(de)
//
seurplus van xl l(i)b(ra) gr(oot) voirs(creven) die m(ijn) jan voirs(creven) besetten moet alsoe voirs(creven) es/ sal hij hem bewijsen daert wel veronderpant sijn sal ende dese voirg(enoemde)/ xl l(i)b(ra) gr(oot) den pe(n)ninc xx gedraeght iiii[m] saluyte en(de) tseurplus over/ de volle betalinge vanden voirs(creven) renten van breda dragende iiii[c] en(de)/ xl l(i)b(ra) gr(oot) vleemsche op dat de voirs(creven) rente van breda jaerlix gedraeght/ lxxxvii l(i)b(ra) g(root) alsoe voirs(creven) es droeghse myn so salmen dairaf den pe(n)ninc/ xx afslaen sal m(ijn) jan vylain voirs(creven) den voirs(creven) hee(re) van liekercke/ sijnen oem betalen bynne(n) xiiii nachten na dat de voirs(creven) m(ijn) jan oft/ de gheene dien hij dair toe stellen sal vanden voirs(creven) hee(re) van liedekerke/ gegoedt sal sijn inde voirs(creven) rente van breda en(de) dwairscap dairaf/ gedaen sal wesen inder manie(re)n dat voe(r) vercleert steet Voirt es/ vorwerde en(de) onderspreck dat de voirs(creven) hee(re) van lyekerke heffen sal/ vanden voirs(creven) goeden die hem de voirs(creven) [h(er)] jan bewijst heeft ofte bewijse(n)/ sal den pacht die vallen sal te kerssavonde ofte te lieghtmisse naest/ comen(de) en(de) desgelijx sal m(ijn) jan vilain voirs(creven) heffen de voirs(creven) rente van/ breda nu te kersavonde oft te liechtmisse naestcomen(de) ende wairt so dat de/ voirs(creven) he(re) van liekerke de voirs(creven) rente van breda ontfaen oft gegeven hadde/ voirde(re) dan voirs(creven) es so sal dat den voirs(creven) m(ijn) janne afslach doen in sijnre/ betalingen die hij den voirs(creven) he(re) van lyekerke doen moet Item es voirt/ overdragen tusschen de voirs(creven) p(ar)tien dat elc p(ar)tie den ande(re)n ten tijde va(n)d(er)/ guedingen oft warscap die sij beloeft hebben deen den ande(re)n te doene/ ter sulker plaetsen als elc bege(re)n sal het sij in brabant oft in vlaende(re)n/ ov(er)geven sullen alle alsulke brieve en(de) bescheit als hij i heeft oft weet/ in sijnen name dienen(de) oft vuerende vanden goeden dat elc van hen den/ ande(re)n ov(er)geven sal behoudelic tgheene dat hier voe(r) eens vanden loeven(en)/ brieven vercleert steet Behoudelic oic dat elc van hen buten brieven/ die hij also ov(er)geven sal moeten een vidimus onder zegel autentijck sal/ moegen hebben en(de) nemen tot sijnd(er) cost op dat hem gelieft It(em) sal elc/ van hen des anders eedt mogen hebben dat sij va(n) e(n)nigen ande(re)n brieve(n)/ die totten goeden in deen zijde oft in dande(re) soude moegen dienen niet/ en weten en(de) oft zij hier namaels e(n)nich vonden oft wysten dat sij/ die deen den ande(re)n ov(er)geven sullen so verre sij in hue(re)r macht sijn/ It(em) desgelijx sal elc van hen des anders eedt moeghen hebben den tijde/ alsmen de guedingen in beiden zijden doen sal dat sij die goede die/ sij vertieren selen met eegheenrehande brieven oft zaken beco(m)mert noch/ belast en hebben anders dan sij deen den ande(re)n dairaf gegeven hebbe(n)/ te verstaene rijke witte octobr(is) xxiiii/