It(em) de voirs(creven) jan neels heeft geloeft en(de) toegeseeght den voirs(creven) symone sijne(n) brueder/ dat hij wille(m)me hoird(er) brued beid(er) brued(er) die inde voirs(creven) goede ind(er) guedinge(n) beg(re)pen/ gedeilt en(de) gericht es gheen guedinge noch vesticheit h(ier) noch eld(er)s of yeman(de) and(er)s/ tot sijnen behoef of van sijne(n) weghen doen en sal voe(r) dat de voirs(creven) symoen/ v(er)nueght es of goede vesticheit heeft van alsulken schout en(de) gebreke als hij ten/ selven symone waert gehouden es mids eenre uutspraken tusschen hen drien/ by vrienden geschiet cor(am) py(n)noc naen octobris xiii a(n)no lii

Dese brieve en salmen niet ov(er)geven noch d(air)mede laten wercken men en besie de vorw(er)de/ staende maii xxviii ond(er) tvoirs(creven) beleid en(de) ond(er) de geluften ald(air) gedaen vand(en)/ voirs(creven) gebruede(re)n den kynde(re)n vand(er) borch en(de) dese guedinge brieve selen staen/ en(de) alhier bliven ind(er) selv(er) manie(re)n en(de) (con)dicien dat vanden voirs(creven) beleide/ bevorw(er)t es/ It(em) niet wed(er)staende des(er) (con)dicien of vorwerden so es geschiet duutgeven staende/ julii xvi lib(r)[o] lvi by weten en(de) (con)sente vand(er) stad naden bescheide va(n) q(ui)tancien en(de) and(er)s/ dat jan neels d(er) stad by brachte Act(um) julii xvi eod(em)