It(em) wout(er)s baus van webbekem in jeg(enwoirdicheit) heeft gekent en(de) gelijdt/ dat jan heylwigen wonen(de) te diest hem wael betaelt en(de)/ gecontenteert heeft van alsulken costen als hij den voirs(creven) woute(re)n/ na den rechte d(er) stad van loeven(en) en(de) seke(re)n geluften daer af/ voe(r) de burg(er)meest(ere)n vand(er) stad van loeve(n) geschiet sculdich/ was te gelden vanden getuyghen die de voirs(creven) wouter/ gehadt h en(de) geleidt heeft inden gedinge dat onlanx/ geweest es voe(r) meye(r) en(de) scepen(en) van loeven tuschen/ den voirs(creven) woute(re)n in deen zijde en(de) den voirs(creven) janne/ heylwigen in dande(re) als geleidt tot den haeflike(n) goede(n)/ coels vanden rode sijns sweers in dande(re) En(de) heeft/ den selve(n) ja(n)ne vanden voirs(creven) costen volcomelic quijt/ gescouden geloven(de) hem d(aer) af nu(m)m(er)meer aen te spreke(n)/ te quellen of te moeyen bij hem selve(n) of bij yeman(de)/ and(er)s in e(n)nig(er) manie(re)n wijtvliet voshem no(vembris) xvii