It(em) lodewijck de rijke jannes vanden hove henrick rogghe en(de) henric/ boelart als segge(re)n gecozen voe(r) scepen(en) van loeven(en) tusschen gielijse/ van bierbeke in deen zijde en(de) janne van udekem in dande(re) van/ alsulken gebreken als jan den voirs(creven) gielijse eysschen(de) was sijn/ comen in teg(enwoirdicheit) (et)c(etera) ende hebben hoe(r) seggen d(aer)af geseeght gelijc/ hier nae volght Inden yersten als van acht rijd(er)s die gielijs ja(n)ne/ sculdich was bleven van zeke(re)n coe(re)n dat gielijs hem afgequijt/ hadde die gielijs hem kendde maer woude hem afslaen des jan/ hem sculdich was te weten sess mudden coe(re)ns en(de) drie halst(er)
//
lovensch en(de) twee clinckarde dat gielijs janne de voirs(creven) acht rijd(er)s/ opleggen sal behoudelijc dat hij hem d(aer)aen afcorten sal de voirs(reven) twee/ clinckarde en(de) tvoirs(creven) coe(re)n te weten voe(r) elc mudde eene(n) rijnsche gul(den)/ Seggen voirt dat gielijs janne betalen [sal] voe(r) dat hij grietkene d(aer)/ zij beide oudevaders af sijn gehouden heeft in sijnen cost acht mudde/ rogs d(er) maten van loeven(en) en(de) acht rijnsche gulden(en) half te kersmisse/ naestcomen(de) en(de) dand(er) helcht te sent jansmisse daer nae volgen(de)/ lomb(ar)t voshem decembr(is) p(ri)ma