It(em) also als arnt kempene(re) van vylvoerden zoon matheeus wilen kempene(re)/ voertijden verpacht heeft tegen de mo(m)boiren en(de) mesterssen vanden groten/ gasthuyse van loeven(en) zeke(re) gode des selfs gats gasthuys teversberge/ en(de) d(aer)omtrent geleg(en) te weten de won(in)ge met den landen beemden eeussele(n)/ weyden thienden grote en(de) cleyne den selven goidsh(uys) ald(aer) toebehoiren(de) eenen/ t(er)mijn van xiii jae(re)n lang ingaende te halfmeye int jair xiiii[c] en(de) xl/ jaerlix op zeke(re) so(m)men van coorne en(de) ande(re) vorwerden en(de) geluften die hij/ d(aer)af geloeft heeft en(de) sculdich is gelijc zeke(re) scepen(en) brieve van loeven(en)/ vand(er) selv(er) pechtingen gemaect vand(er) daten dusent vierhond(er)t neghenen/ dertich inde maent van decembri dat volcomelic inhouden en(de) begripen/ So es comen voe(r) scepen(en) van loeven(en) de voirs(creven) arnt en(de) heeft ov(er)geven/ en(de) bekent dat hij ov(er)gegeven heeft willem(me) van nippesele van diedeghem/ de voirs(creven) goede met hoiren toebehoirten gelijc hij die genomen heeft de/ selve te houden te hebben en(de) te wynnen van desen dage voirts den/ voirs(creven) t(er)mijn uut op den pacht en(de) allen and(ere)n laste en(de) co(m)me(re) inde voirs(creven)/ brieve vand(er) pechtingen begrepen de welke de selve willem geloeft heeft/ wael en(de) volcomelic te betalen te houden en(de) te voldoin tallen tiden dat/ die aenden voirs(creven) goidshuysse zelen vallen en(de) v(er)schijnen En(de) den selven arnde/and(ere)n en(de) allen zijn borgen inden selven brieve begrepen zijn en(de) hoire/ goede van allen pachten hier na verschinen(de) en(de) van allen and(ere)n vorw(er)den/ condicien en(de) geluften vand(er) pechtingen voirs(creven) gelijc de brieve die beg(ri)pen/ scadeloes en(de) co(m)merloes te houden en(de) tontheffen en(de) desgelix heeft geloeft/ de voirs(creven) willem van x hollansch(e) guld(en) die de voirs(creven) arnt den voirs(creven)/ goidsh(uys) jaerlix den voirs(creven) t(er)mijn sculdich is van zeke(re)n beemden te velthem/ gelegen de welke de voirs(creven) willem(me) oic ov(er)hebben sal d(aer)af inde voirs(creven) brieve/ gheen mencie gemaect en word dat hij den voirs(creven) arnde d(aer)af also verre die/ h(ier) na v(er)schijnen scadeloes en(de) co(m)merloes sal houden En(de) want de voirs(creven)/ arnt v(er)dingt heeft tegen tvoirs(creven) goidshuys van alle jae(re) hier na volgen(de)/ vanden pachte xx mudden tarwen en(de) iiii mudden gersten loevensch(er)/ d(aer) voe(r) elcx jaers hier na volgen(de) den voirs(creven) t(er)mijn due(re)nde te betalen/ lx gripen xl pl(a)c(ken) voe(r) de gripe en(de) xxx pl(a)c(ken) deen helcht altoes te s(in)t jans/ misse en(de) dand(er) helcht te kersmisse d(aer)af dyerste paye vallen zal te sent/ jansmisse naestcomen(de) So heeft geloeft de voirs(creven) willem de selve p(oi)nti(n)ge/ en(de) v(er)dingen gesteedich te houden die pe(n)nynge d(aer)af te betalen t(er) ten/ t(er)mijnen als die vallen zelen en(de) den voirs(creven) arnde de [die] scepen(en) brieve/ den voirs(creven) goidshuyse vand(en) selven gelde bekent heeft d(aer)af scadeloes/ tontheffen En(de) des zijn borgen svoirs(creven) willems cornelijs en(de) symoen
//
zijn zoene p(ri)us ema(n)cipati henrick van boxhem te woluwe jan pet(er)s/ van hembeke jan van nypesele svynnen brued(er) zoon en(de) willem/ van lille beide van diedegem en(de) hieraf heeft geloeft henrick van/ nijpesele den voirs(creven) janne van nijpesele zijnen zoon scadeloes tontheffe(n)/ voirts zo hebben geloeft de voirs(creven) wyn en(de) beide zijn zoonen alle/ de voirs(creven) hoire medeplichte(re)n en(de) oic den voirs(creven) henr(icke) swynnen brued(er)/ scadeloes tontheffen lomb(ar)t cap(elle)[ma(n)] junii xiiii