It(em) vand(er) aenspraken die wout(er) van laethem voe(r) meye(r) en(de) scepen(en) van loeven(en) gedaen/ heeft tot janne van raetshoven den jongen zoen jans van raetshoven om d(er) reperacien/ wille van eend(er) wat(er)moelen te ruysbroeck inde p(ro)chie van bierbeke gelegen de welke/ de selve jan van raetshoven voirmaels tegen den voirs(creven) wout(ere)n in questien staende/ voe(r) de raide vand(er) stad aengenomen hadde wael en(de) cusbairlic te doen gaen lopen/ en(de) repare(re)n van wande en(de) van dake want hijt mids der gereetscap die hij/ van wagenen en(de) houte bat hadde dan de voirs(creven) woute(r) aen hem selven lichte(re)n/ coop wael maken dan de selve woute(r) en(de) zo wa(n)neer die also in huysen en(de)/ and(er)sins gerepareert wae(re) datmen d(aer)mede welken mochte So waert vorw(er)de/ en(de) voe(r) den rade vand(er) stad ond(er)sproken dat den voirs(creven) janne van raetshoven d(aer)af/ reken(in)ge doende vanden voirs(creven) wout(ere)n opgeleeght en(de) betaelt souden werden de helcht/ van allet gheen des de voirs(creven) moelen also gecost hadde en(de) dat [dat] also gesciet/ wae(re) en(de) bijd(er) stad boot de voirs(creven) wout(er) van laethem met burg(er)meest(er) oft and(ere)n/ vanden raide die d(aer)af te spreken wisten te thoenen hoepte waer hij dat/ gethoenen konste dat de voirs(creven) jan ind(er) voirs(creven) reparacien want die noch niet/ volschiet en wae(re) maer stont de voirs(creven) moelen met allen stille bij gebreke des/ voirs(creven) jans om dat hij des voirs(creven) is niet navolgich en wae(re) gehouden zijn/ soude want die vele meer gearghert en(de) geschiv(er)t was dan zij voe(r) hadde/ geweest Mids den welken de selve jan gehouden zijn soude hem die scade/ hem die scade ind(er) helcht voir zijn aengedeelte te richte(re)n want zij nu meer/ en(de) lastig(er) zijn soude te repare(re)n dan zij voe(re)n geweest hadde en(de) d(aer)toe opte/ leggen en(de) te betalen alsulken scade als hij bynnen desen tide hangen(de) om/ dat de moelen niet gemaect en was hoewael de voirs(creven) geluften eerve(re)nt bij/ tiden jasp(er)s absoloens gescieden gehadt en(de) leden hadde mids dat d(aer)met niet/ gewonnen en wae(re) geweest en(de) des getroeste hij hem tot alsulk(er) konden/ als hem d(aer)toe behoefde metten mynsten en(de) totten rechte Daerop de selve/ jan van raetshoven hem met alrehanden reden(en) tot zijnre ontlasti(n)gen dienen(de)/ v(er)andw(er)den(en) hoepte dat hem die aensprake ne(m)mermeer onstade doen en soude/ en(de) al waert dat hij dairaf yet thoende zo hoepte hij dat hij dat mett(er)/ gansser stad noch metten meesten deele vanden raide ne(m)merm(eer) thoenen/ en soude En(de) also en soude hij nochtan den voirs(creven) wout(ere)n gheen scade/ oprichten noch betalen gem(er)ct al waert dat also gesciet wae(re) so en/ waert daer gheenen tijt toegestelt bynnen den welken de reperacie/ geschien soude moeten maer trecht hadde altijt open gestaen voe(r) den/ voirs(creven) wout(ere)n zijn recht te moegen v(er)suecken Oic hadde de selve jan/ van raetshoven de voirs(creven) reparacie al gedaen totten moelenrade toe dat/ buten int wat(er) ginck dwelc also ze(er) versant was datment qualic gelosse(n)/ konde daer de knapen svoirs(creven) wout(er)s bij geweest hadden daermen aen/ tselver rat om te lossene gewrught hadde maer om dat zo lichtelic niet/ te lossene en was so namen de selve zijn knapen and(ere)n dach tselve rat
//
comen te lossen met meer hulpen en(de) dat de pointen also gesciet wae(re)n boet de/ voirs(creven) jan te thoenen met alsulker konden als hem d(aer)toe behoeven soude en(de) metten/ mynsten hoepte bij dien der aenspraken ongehouden te wesen p(rese)nteerde ten ut(er)sten/ metten voirs(creven) wout(ere)n tot geliken laste tott(er) voirs(creven) reparacien te verstaen werden ten/ ut(er)sten de voirs(creven) p(ar)tien in beiden zijden bij vo(n)nissen der scepen(en) tot hoiren thoenisse/ gewijst Ald(aer) ten dage toe d(aer)toe gesedt de voirs(creven) wout(er) thoende metten burg(er)meest(er)/ te dien tijt jasp(er) absoloens dat de voirs(creven) p(ar)tien also vand(er) voirs(creven) reparacien/ voe(r) den raide vand(er) stad in gescille quamen en(de) dat de selve jan van/ raetshoven mids d(er) reden(en) voe(r) ind(er) ae(n)spraken geruert ald(aer) openbairlic ae(n)nam/ navolgen(de) dat hen beiden te gelike de voirs(creven) moelen toebehoirde en(de) de voirs(creven)/ wout(er) te rijse niet en wordde laten gaen zijn aengedeelte dat hij de voirs(creven)/ moelen in goeden state van boven ned(er) repare(re)n worde met zijnen wagenen/ knapen en(de) werklieden d(aer)toe hoiren(de) also dat zij werken en(de) malen souden en(de) dan/ woude hij den voirs(creven) wout(ere)n d(aer)af reken(in)ge doen op dat hij hem t(er) stont zijn/ helcht van dier cost opleide en(de) betaelde Dwelc de voirs(creven) wout(er) ald(aer) also toeseide/ te doene maer van e(n)nigen tide die d(aer)toe gesedt was en cleerde de selve/ burg(er)meest(er) niet also dat de selve woute(r) meynde na tvo(n)nisse dat hij geleidt/ hadde dat de voirs(creven) jan de voirs(creven) moelen maken soude en(de) hem opleggen zijn/ scade die hij dair bij geleden hadde en(de) des getroeste hij hem totten rechte En(de)/ de voirs(creven) jan van raetshoven thoende alrehande handelingen en(de) werck dat/ hij aen en(de) mett(er) voirs(creven) moelen gehadt hadde m(er) luttel oft niet tot zijnre/ zaken oft v(er)andw(er)den dienen(de) oic thoende hij met e(n)nigen vanden werclieden/ d(er) voirs(creven) moelen dat zij den voirs(creven) werclieden wout(ere)n gelt geheyscht hadden/ voe(r) zijn helcht en(de) dat hij doen vraeghde oft de moelen ginge en(de) zij/ andw(er)den neense dat wout(er) doen zeyde ic en wille gheen gelt geven voe(r)/ die(n) tijt dat zij volmaect is Nae desen hoepte dat de selve jan van/ raetshoven dat hij wael gethoent hadde sijn vermed en(de) dat hij der/ ae(n)spraken ongehouden zijn soude en(de) des getroeste hij hem te rechte ende/ beg(er)des een vo(n)nisse v(er)berden [also dat] ten utersten de h(ere)n tscepen(en) van loeven(en)/ t(er) manissen smeyers gemaent en(de) gewijst [wijsden] voe(r) een vo(n)nisse dat de voirs(creven)/ jan van raetshoven gehouden zijn soude de voirs(creven) moelen te repare(re)n/ na dat de waerh(eit) gedragen hadde en(de) dae(re)nteynden recht p(rese)nt(ibus) om(n)ib(us)/ scab(inis) dempt(o) abs(oloens) junii xxi