It(em) henrick matheeus en(de) alijt vanden hellegate voirs(creven) kijnde(re) jans wile(n)/ vanden hellegate hebben geloeft ongesund(er)t en(de) ongesceyden den voirs(creven)/ henricken laermans en(de) henricken vand(er) rijt geheten wijx oft den eene(n)/ van hen breng(er) des briefs dat zij de voirs(creven) goede daer inne de voirs(creven)/ henrick laermans gegoedt es altijt scadeloes en(de) co(m)m(er)loes sullen houden/ en(de) ontheffen van alsulken seven rijd(er)s jaerlik(er) lijfpensien als h(er)/ wout(er) van beeringen abdt des goidshuys vanden percke heeft tot zeke(re)n/ p(er)sonen liven op de goede der voirs(creven) kijnde(re)n vanden hellegate d(aer) voe(r) tvoirs(creven)/ stuck beempts mede ond(er)pant es gelijc de scepen(en) brieve gemaect vande(n)/ voirs(creven) renten volcomelic begripen En(de) oft op tvoirs(creven) stuck beempts e(n)nige/ cost scade oft last ghinge uut ocsuyn vanden voirs(creven) lijfrenten die hebbe(n)/ de voirs(creven) twee gebruede(re) en(de) hoe(r) zuster den voirs(creven) henrick(en) en(de) henrick(en)/ geloeft op te leggen en(de) te betalen alse v(er)volghde schout en(de) hebben/ geloeft loed(en) vand(er) biest en(de) henrick bog(ar)t met hoiren voirs(creven) beleide d(aer)/ tegen gheen geweer te doen sond(er) argelist eisd(em)