Het zijn comen in rechte voe(r) meye(r) en(de) scepen(en) van loeven(en) jannes vanden hove/ zoon wile boudens in deen zijde en(de) peter vanden dale in dande(re) daer de voirs(creven)/ peter dede lesen een t(er)minacie voertijden get(er)mineert bijden raide vand(er) stad tussche(n)/ den voirs(creven) pete(re)n die met scepen(en) brieven van loeven(en) stack inde goede jans/ peters en(de) jans zijns zoons in deen zijde den selven janne en(de) janne in dande(re)/ en(de) oic meer and(ere)n dair aen clevende op zeke(re) costen die den voirs(creven) pete(re)n en(de)/ meer and(ere)n ind(er) voirs(creven) t(er)minacien ae(n)get(er)mineert wae(re)n en(de) die de selve peter/ soude mogen nemen aen de voirs(creven) goede des voirs(creven) jans en(de) jans Welke t(er)mi(n)acie/ ond(er) den and(ere)n begreep dat pete(re)n vanden dale voirs(creven) worden zouden en(de) hij/ soude mogen nemen aen de voirs(creven) goede c en(de) xxviii rijders en(de) vi stuv(er)s/ om welke costen betaelt en(de) gegeven te w(er)den hij v(er)cocht hadde den voirs(creven) ja(n)nese/ zeke(re)n erfpacht aen en(de) op de voirs(creven) goede gelijc de selve t(er)minacie die steet/ januarii ulti(m)a lib(r)[o] xliiii dat claerlic begrijpt uutden welken de voirs(creven) pet(er)/ meynde dat jannes hem zijn ae(n)get(er)mineerde gelt soude opleggen en(de) sculdich/ wae(re) te betalen want hij d(aer)af noch ombetaelt en(de) o(n)v(er)nueght wae(re) En(de) al/ hadde jannes lxxx pet(er)s vanden voirs(creven) gelde geloeft op zeke(re) condicien en(de) vorw(er)den/ gemaect op iiii zisteren rogx erfspachts die jan en(de) jan voirs(creven) te zoersele/ hadden gelijc de brieve d(aer)af dat mogen begrijpen zo hoepte hij dat hem/ dat gheen onstade doen en soude want hij vanden selven erfpachte noyt/ gelt noch pe(n)nynge en hief en(de) jannes hem geloeft hadde de selve lxxx/ pet(er)s niet wed(er)staende de voirs(creven) geluften oft condicien te betalen voe(r) en(de)/ eer de selve voe(r) scepen(en) van loeven(en) geschieden en(de) oic na gelijc hij inden/ rechte boet te bewisen Dairop de voirs(creven) jannes hem v(er)andwerden(de) dede/ seggen dat hij meynde dat pet(er) voirs(creven) vanden lxxx pet(er)s voirs(creven) noch/ t(er)tijt te vroegh op wae(re) en(de) aen hem v(er)doelt want hem die geloeft/ wae(re)n roeloven wysschart weert inden weldeman met scepen(en) brieven/ van loeven(en) op zeke(re) voerwerden gelijc steet febr(uarii) xxv int jair voirs(creven)/ te weten dat jannes ongehouden sijn soude d(air)af yet te geven voe(r) dat/ hem vanden voirs(creven) erfpachte guedinge gedaen soude zijn uuten brieven des/ voirs(creven) pet(er)s en(de) jan en(de) jan en souden hem d(air)af waerscap geloeft hebben/ gelijc de brieve dat volcomelic uutwisen Dwelc noch nergens en bleeck/ geschiet zijnde also [dat] hij vanden voirs(creven) lxxx pe(er)s verdoelt en(de) te vroech/ op wae(re) en(de) tsurplus dat zijnen coop vanden voirs(creven) erfpachte meer gedroegh/ dan de voirs(creven) lxxx pet(er)s hadde [ja(n)nes] also hij dede seggen betaelt den/ ghenen dien hijt na inhouden d(er) voirs(creven) t(er)minacien sculdich was te/ geven of den voirs(creven) pete(re)n oft den ghenen daer hijt beg(er)de gegeven te/ hebben gelijc hij boet te bewisen en(de) metten mynsten daer hij inden/ rechte mede lijden mochte hopen(de) dat hij niet sculdich v en wae(re) meer/ te betalen dan zijnen coop gedroege en(de) dat hij met eenen betalen
//
d(aer)af gestaen soude met meer and(ere)n reden(en) en(de) allegacien die hij inden rechte/ dede seggen en(de) allege(re)n Op dweelke de scepen(en) van loeven(en) gemaent vande(n)/ meye(r) wijsden voe(r) een vo(n)nisse dat de voirs(creven) peter vanden dale vanden voirs(creven)/ lxxx peters te vroech op was en(de) want jannes vanden surpluyse bewijsnisse/ boet dat zij dat beg(er)den te aenhoiren en(de) dae(re)n teynden recht cor(am) lomb(ar)t/ wijtvliet pynnock cap(elle)[ma(n)] vynck voshem maii v