It(em) cond zij allen lieden dat henrick chaulx woenen(de) te bevekem bij doerne/ es comen in teg(enwoirdicheit) der scepen(en) van loeven(en) en(de) heeft genomen en(de) bekent/ dat hij genomen heeft van h(ere)n oliviere vand(er) berct canonick regulier en(de)/ p(ro)curator des godshuys van gruenendale inden name en(de) van weghen des/ voirs(creven) godshuys vier boend(er) en(de) een half [tuschen vie(r) en(de) vijf boende(re)n wy(n)nens] lants gelegen te bevekem in vijf/ stucken te houden te hebben en(de) te wynne(n) van int half merte dat was/int Daeraf deen [houden(de) es een boend(er)] gelegen es ter plaetsen geheten achte(er) le gardijn tusschen/ de goede dierix van beerchyemont en(de) de goede leenarts vanden bossche dand(er)/ stucke houden(de) sess dachmael gelegen op te selve plaetse tusschen de goede/ des voirs(creven) leenarts vanden bossche ende de goede jaq(ue)marts chaulx brued(er)s des/ voirs(creven) henrix tderde stucke houden(de) een derdendeel van eene(n) boend(er) [is] gelegen/ bijde voirs(creven) goede tusschen de goede dierix van beerchyemont en(de) de goede/ jan chaulx tvierde stucke gel houden(de) drie dachmael gelegen bijde voirs(creven)/ goede tusschen de goede willems moreal over beide zijde tvijfste ende/ dleste stucke houden(de) een boend(er) gelegen op tsart velt tusschen den bosch/ jans vand nethenen geheten vanden royeele en(de) de goede des je jonck(er)/ baudewijns van glymez Te houden te hebben ende te wynnen van half/ merte dat was int jaer ons he(re)n dusent vierhondert en(de) vierenveertich/ eenen t(er)mijn van neghen jae(re)n langc deen nae dand(er) sonder myddel volgen(de)/ elcx jaers dae(re)n bynnen voe(r) en(de) om drie mudde en(de) een halster rogs/ goit en(de) payabel met wanne en(de) met vloegelen wael bereydt d(er) maten/ van loeven tsente andries misse apostels te betalen en(de) te loeven(en) bynnen/ der herb(er)gen des voirs(creven) godsh(uys) te leve(re)n den voirs(creven) p(ro)curator jaerlijx den/ voirs(creven) t(er)mijn due(re)nde en(de) telken t(er)mijne alse vervolghde schout It(em) sal de/ voirs(creven) wyn de voirs(creven) lande bynnen sijnen voirs(creven) t(er)mijne eens wael ende/ loflijc ov(er)mesten gelijc sijnen reengenoten boven en(de) beneden ende die/ laten te sijnen afsceiden van sijnen t(er)mijne wael en(de) loflijc besayt met/ evene(n) op twee getideghe voe(re)n abs(oloens) vynck maii xxiii