Item katlijne van bruysegem en(de) jan le(m)mens haer zoon naturlic hebben geloeft/ ongesund(er)t henricken van hoe(re)nbeke van steenhuffle dat zij hem en(de) zijn goede/ scadeloes houden en(de) ontheffen selen van eenen zacke rogx d(er) maten en(de)/ pacht van steenhuffle van dien twee zacken rogx d(er) maten voirs(creven) jaerlik(er)/ lijfpensien die de selve henrick and(er)wilen bekent heeft jouff(rouwe) katlijne(n)/ weduwe reyneers wilen vande(n) moirte(re) nu t(er)tijt w(er)dynne henrix van/ duffle tot hae(re) live op alle zijn goede inde banck van merchtenen en(de)/ van steenhuffle geleg(en) gelijc zeke(re) scepen(en) brieve d(aer)op gemaect dat/ volcomeliken begripen en(de) de selve lijftocht also in tijts betalen dat/ de selve henrick en(de) zijn goede d(aer)af ombelast sullen bliven sond(er)/ argelist En(de) voirts zo hebben geloeft de voirs(creven) katlijne en(de) haer zoon/ den selven henricken tusschen dit en(de) s(in)te remeys misse naestcomen(de)/ den voirs(creven) zack rogx totten voirs(creven) jouff(rouwe) katlijnen live te v(er)panden op/ zeke(re) goede te steenhuffle en(de) d(aer)omtrent geleg(en) die dobbel w(er)t zijn/ sal Et t(antu)m cap(elle)[ma(n)] vynck maii v[ta]