Item tvo(n)nisse tusschen janne vand(er) dijlen den jongen in deen zijde/ en(de) janne van betthenrode p(er)keme(n)te(r) in dande(re) alse van eenen weege/ die de selve jan van bettenrode meynde te hebben ov(er) derve des selfs/ jans vand(er) dijlen sijns nagebuer op duylake achter hoird(er) beider huyse/ ald(aer) neven eene gelegen gaende tot eend(er) wat(er)rebben opte selve dijle/ Welken wech de voirs(creven) jan vand(er) dijlen aen zijnen hoff met eend(er)/ hog(er) stighelen versloten hadde nuweli(n)ge also dat de selve jan/ van betthenrode dien wech d(aer)om beg(er)de ombelet te hebben en(de) die/ stighele afgedaen also hij en(de) zijn voirseten tot h(ier)toe gedaen hadden/ ov(er) xxx jaer en(de) dairboven gelijc de selve jan van betthenrode/ dat inden rechte boet te thoenen hopen(de) waer hij dat gethoenen/ konste dat hem zijnen wech ombeledt volgen zoude en(de) dat/ jan vand(er) dijlen die stichele afdoen soude en(de) des getroeste hij hem/ wael tvo(n)nisse Dair de voirs(creven) jan vand(er) dijlen hem op v(er)andw(er)den(de)/ kende dat thoeckhuys [dat] des selfs jans van betthenrode w(er)den [wilen] was/ dat hij zijnen zoen nu gegeven hadde tott(er) voirs(creven) wat(er)rebben/ sculdich wae(re) geweeght te sine iu(re)? dande(re) met wat(er) al w(er)t dat/ de voirs(creven) jan oft zijn voirseten die wile dat zij tvoirs(creven) hoechuys/ metten tween ande(re)n huysen dair neven gelegen die de voirs(creven) jan/ van betthenrode nu besidt tsamen houden(de) en (de) besitten(de) in eenen/ huyse den voirs(creven) wech gebruyct hadden die wile dat zijse/ alle drie samentlic besaten aengesien dat voe(r) dien v(er)crigen(de)/ de selve twee ande(re) huyse dair toe niet geweeght en wae(re)n/ noch sculdich en wae(re)n geweeght te sijne So hoepte hij nochta(n)/ nu alsij wed(er) verscheyden wae(re)n en(de) dat dat v(er)crigen en(de) v(er)thie(re)n/ also geschiet was de voirs(creven) jan van dijlen te thoenen ende/ hoepte waer hij dat gethoenen konste dat hem daensprake alse/ vanden voirs(creven) twee(n) huyse na v(er)cregen gheen onstade doen en/ soude en(de) des getroeste hij hem totten rechte Was gewijst ten/ ut(er)sten nae ae(n)sprake verantwerden en(de) thoenisse vanden p(ar)tien/ dat alsulken aensprake als jan van betthenrode ten voirs(creven)/ janne vand(er) dijlen waert gedae(n) hadde dat hem die also verre/ het den tween huyse nae v(er)cregen aenginck gheen onstade/ doen en soude p(rese)nt(ibus) om(ni)b(u)s scab(inis) no(vembris) ix