It(em) navolgen(de) dat mijnen he(re) den abdt van vlied(er)beke biden raide der stad/ van loeven(en) ae(n)get(er)mineert zijn alsulken xx gul(den) lijftochten als gheert amours/ ond(er) scepen(en) van loeven(en) gesedt hadde en(de) jouffr(ouwe) lijsbeth van raetshoven/ jaerlix tot hoiren live hadde op zijn goede te boensbeke geleg(en) op also/ dat hij weerliken borge setten soude oft de selve jouff(rouwe) oft yema(n)t/ and(er)s hem die afgewynne(n) konden metten rechte dat hij die te dien/ eynde wed(er) restitue(re)n soude [So es] daer voe(r) is borgen bleven des voirs(creven) abdts/ dierick van langrode cor(am) abs(oloens) burg(i)m(a)g(ist)ro duob(us) scab(inis) et plu(ri)b(us) aliis/ feria q(ua)rta post q(ua)simo(do)