It(em) henrick vanden stade en(de) jouff(rouwe) machtelt van boeschot zijn wijf weduwe/ arnts wilen brugmans in p(rese)ncia hebben geloeft mychiele absoloens nu t(er)tijt/ burg(er)meest(er) te loeven(en) van alsulken h(er)scape van tsijse en(de) ma(n)nen van leene/ als de selve wilen arnt brugman inde p(ro)chie van werchte(r) en(de) d(aer)omtrent/ te div(er)sen plaetsen houden(de) was d(aer)af jan de h(er)toge erfman soude wesen/en(de) dat sij de(n) selv(er)e(n) machtelden [mychiele] tot zijnd(er) manissen vand(er) selv(er) helcht d(aer) inne/ de voirs(creven) jouff(rouwe) machtelt naden lantrechte gericht zijn mochte behoirlic/ goeden en(de) lonen selen voe(r) den he(re) van rotselair en(de) zijnen ma(n)nen van leen/ d(aer)af men de selve h(er)lich(eit) houden(de) is en(de) also vele d(aer)toe te doen dat den/ selven mychiele vast en(de) zeker zijn moege cor(am) ov(er)wynge lynthe(re) iunior/ junii ulti(m)a
//