It(em) also als h(er) jan vand(er) berct p(ro)efst sgoidsh(uys) van cortenb(er)ge and(er)wile bij meest(er)/ roelove van beringen die naden rechte d(er) stad van loeven(en) geleidt is totten goeden/ arnts wilen vanden steenwege gegoedt en(de) geerft voe(r) meye(r) en(de) scepen(en) van loeven(en)/ in zeke(re) goede gelegen terpse en(de) dat om vesticheit wille van zeke(re)n schout die/ de voirs(creven) arnt den voirs(creven) goidshuyse sculdich was tot zeke(re)n tiden te betalen (et)c(etera)/ en(de) nu de voirs(creven) schout als de proefst ope(n)bairlic gekent heeft betaelt is/ so heeft de voirs(creven) proefst die hem vanden voirs(creven) brieven quijte(n) wille de/ selve brieve by (con)sente en(de) weten des burg(er)meest(er)s hier ond(er) gescreven wed(er)/ gegeven den voirs(creven) meest(er) roelove die hem de guedi(n)ge en(de) brieve dede en(de)/ sbeleits voirs(creven) mechtich is act(um) cor(am) willemae(r) burg(i)m(a)g(ist)ro julii iiii a(nn)[o] xlvi
//