It(em) also als roelof vranx voirtiden geloeft en(de) toegeseeght hadde henrick(e)/ vander calst(ere)n zijnen swager te dragen ende te gelden den last tot eeuwige(n)/ dagen de [vander] helicht van asulken xii guld(en) crone(n) als de kijnde(re) h(er) yweins / wilen van houthem ridd(er)s hebben opte goede van lynden die den voirs(creven)/ henrick(e) in deilingen gevallen zijn ende desgelix de helicht van ii/ mudden corens lijfpensien die een vrouwe p(er)soen tot hoe(re) live heeft opte/ voirs(creven) goede heeft en(de) hoe(r) van henrick(e) wilen vand(er) calst(ere)n vader des/ voirs(creven) henrix dair op bewijst wa(r)en So es comen de voirs(creven) henrick en(de)/ heeft openb(aerlic) gekent en(de) gelijdt dat de voirs(creven) roelof zijn swager hem vand(en)/ voirs(creven) geluften wael heeft gecontenteert en(de) vernueght met alrehanden/ ande(re)n co(m)me(r) die hij inde stad voir den voirs(creven) henrick(e) betaelt en(de) gehouden/ heeft en(de) heeft dairom de voirs(creven) henrick den voirs(creven) roelove vanden voirs(creven)/ toeseggen(e) en(de) geluften volcomelic quijtgeschoud(en) geloven(de) hem uut ocsuyn/ van dien ni(m)m(er)meer aen te spreken te quellen oft te moeyen bij hem/ selven (et)c(etera) eisd(em)