It(em) want stoet opverstaen was tuschen willem(me) van waenrode in/ deen zijde en(de) henricke coman in dande(re) alse van seke(re)n goeden/ have en(de) erve die de voirs(creven) willem den voirs(creven) henricken/ eysschen(de) es en(de) den selve(n) willem(me) bleven en(de) verstorven soude(n)/ zijn als momboer sijns wijfs van wilen lijsbetten die/ wittich wijfs was des voirs(creven) henrix en(de) zuster van des voirs(creven)/ willems wive So zijn de selve p(ar)tien comen voe(r) scepen(en) van/ loeven(e) ende hebben [hen] verbonden in segg(ere)n te weten de voirs(creven) willem in/ meester mahieu der stad geswoe(re)n werckman van metselrien ende wille(m)me/ van bouleer geheeten smet ende de voirs(creven) henrick in meest(er) wille(m)me de beer/ ende woute(re)n gheens geheeten stas in alsulk(er) vuegen dat de voirs(creven) willem/ sijnen eysch in gescrifte ov(er)gheven sal den segg(ere)n svoirs(creven) henrix tusschen dit/ ende dijsdach avont d(aer)op de voirs(creven) henrick sijn v(er)antw(er)den ov(er) gheven sal in/ gescrifte den segg(ere)n sijnre wed(er)p(ar)tien tusschen dat ende sondach avont d(aer)na
//
volgen(de) welke segge(re)n aensprake ende v(er)antw(er)den ov(er) hebben(de) thoenisse/ van p(ar)tien ofts behoeft aenhoe(re)n sullen ende hoe(r) uutsprake d(aer)af doen bynne(n)/ viii dagen d(aer)nae volgen(de) op dat zijs eens zijn ende oft zijs niet eens/ gewerden en consten So sullen zij bynnen den selven tijde eene(n) ov(er)man/ tot hen nemen die metten voirs(creven) vier segg(ere)n oft metten tween van/ hen sijn seggen utenen sal bynnen viii dagen d(aer)na v(er)volgen(de) ende/ oft e(n)nig(er) p(ar)tien segg(ere)n gebrake dat zij [in] die stad eene(n) ande(re)n gelijken man/ d(aer) voe(r) setten sullen moegen Geloeven(de) de voirs(creven) p(ar)tien vast gestentich/ en(de) onv(er)brekelijc te houden zo wes de voirs(creven) vier segg(ere)n oft de ov(er)man/ inder manie(re)n voirs(creven) d(aer)af voe(r) hoe(r) uutsprake seggen en(de) doen sullen/ cor(am) abs(oloens) willem(air) septembr(is) xiii