Van h(ere)n everarde vand(er) heiden ridd(er)/ Item also als h(er) everard vand(er) heiden ridd(er) hadde bego(n)nen recht vord(ere)n tot/ goddarvile voir een half mudde tarwen d(er) maten van nivele en(de) i cap(uyn)/ erfpachts en(de) chijs op zeke(re) goede en(de) ond(er)pande jans cabella te weten/ huys en(de) huys hof met d(er) toebehoirten gelegen te goddarvile by tmaresch/ al(dair) ter eenre zijden en(de) tertia t(er) ande(re) En(de) willem(me) charle en(de) jan coulon/ die geleidt zijn naden rechte d(er) stad van loeven(e) totten goeden des/ voirs(creven) jans cabella hadden doen scriven aende meye(re)n h(ere)n engelb(er)ts/ van edingen en(de) h(ere)n everards vand(er) hagen ridd(ere)n tot goy met brieve(n)/ d(er) stad van loeven(e) dat de wet ald(air) afliete te p(ro)cede(re)n op te voirs(creven) goede/ bescheidende dagh van rechte op heden alhier voir meye(r) en(de) scepen(en)/ vanden voirs(creven) h(er) everarde So zijn op heden de voirs(creven) h(er) everard/ t(er) eenre zijden en(de) de geleidde t(er) ande(re) t(er) ande(re) zo verre in ae(n)sp(ra)ken/ en(de) verandwerden comen dat ten manisse smeyers van loeven(e)/ de scepen(en) van loeven(e) hebben gewijst voir een vo(n)nisse dat de/ voirs(creven) h(er) everard sijnen erfpacht en(de) chijs volgen mach met rechte/ dair de voirs(creven) goede horen cor(am) om(n)ib(us) scab(inis) s(cilicet) l(udovico) py(n)noc abs(oloens) ja(cobo)/ py(n)noc alb[(us)] wynge willem(air) hortbeke no(vembris) vii